കെഎസ്ആർ ബെംഗളുരു- കണ്ണൂർ എക്സ്പ്രൈസ് റൂട്ടിൽ മാറ്റം

• നവംബർ 1 മുതൽ എസ്എംവിടിയിൽ തുടങ്ങി യശ്വന്ത്പൂർ വഴി സർവീസ്

കെഎസ്ആർ ബെംഗളുരു – കണ്ണൂർ എക്സ്പ്രസ് ട്രെയിൻ സമയത്തിലും സ്റ്റേഷനിലും മാറ്റം. കണ്ണൂരിൽ നിന്ന് ബെംഗളുരുവിലേക്കുള്ള പ്രധാന ട്രെയിൻ സർവീസുകളിലൊന്നായ ട്രെയിൻ നമ്പർ 16511/16512 കെ എസ് ആർ ബംഗളൂരു -കണ്ണൂർ – എസ് ആർ ബംഗളൂരു എക്സ്‌സ്പ്രസിൻ്റെ യാത്ര തുടങ്ങുകയും അവസാനിക്കുകയും ചെയ്യുന്ന സ്റ്റേഷനുകളിലും സമയത്തിലും റൂട്ടിലും മാറ്റങ്ങൾ വരുത്തി ദക്ഷിണ റെയിൽവേ.യശ്വന്ത്പുർ സ്റ്റേഷനിലെ യാർഡ് മെച്ചപ്പെടുത്തൽ പ്രവർത്തനങ്ങൾ ഉൾപ്പെടെയുള്ള നവീകരണ പ്രവർത്തനങ്ങൾ നടക്കുന്നതിൻറെ ഭാഗമായി 16511/16512 കെ എസ് ആർ ബെംഗളൂരു -കണ്ണൂർ – എസ് ആർ ബെംഗളൂരു എക്‌സ്പ്രസ് ട്രെയിന് കെഎസ്ആർ ബെംഗളുരുവിലേക്ക് സർവീസ് നടത്തില്ല. യാത്ര ആരംഭിക്കുന്നതും എത്തിച്ചേരുന്നതും എസ്എംവിടി ബെംഗളൂരുറെയിൽവേ സ്റ്റേഷനിൽ ആയിരിക്കും. 2024 നവംബർ 1 മുതൽ 2025 മാർച്ച് 31 വരെ 151 ദിവസങ്ങളിൽ കണ്ണൂർ എക്‌സ്പ്രസ് എസ്എംവിടി ബെംഗളൂരു- യശ്വന്ത്പൂർ വഴി സർവീസ് നടത്തും.ട്രെയിൻ നമ്പർ 16511 എസ്എംവിടി ബെംഗളൂരുവിൽ നിന്ന് രാത്രി 8 .00 മണിക്കൂർ പുറപ്പെടുകയും, യശ്വന്ത്പുരിൽ 21.25 ന് എത്തി 21.45 ന് പുറപ്പെടുകയും ചെയ്യും.

മടക്ക യാത്രയിൽ ട്രെയിൻ നമ്പർ 16512 കണ്ണൂരിൽ നിന്ന് വൈകിട്ട് 5.05 ന് പുറപ്പെടുകയും, യശ്വന്ത്പുരിൽ രാവിലെ 06.10 ന് എത്തി 06.30 ന് യാത്ര തുടർന്ന് എസ്എംവിടി ബെംഗളൂരു സ്റ്റേഷനിൽ 07.45 മണിക്ക് എത്തിച്ചേരുകയും ചെയ്യും.എസ് എം വി ടി ബെംഗളൂരു-കണ്ണൂർ 16511 ട്രെയിൻ സമയം നവംബർ 1 മുതൽ

എല്ലാ ദിവസവും രാത്രി 8.00 മണിക്ക് എസ് എം വി ടി ബെംഗളൂരുവിൽ നിന്ന് പുറപ്പെടുന്ന 16511 എസ് എം വി ടി ബെംഗളൂരു -കണ്ണൂർ എക്‌സ്പ്രസ് 14 മണിക്കൂർ 55 മിനിറ്റ് യാത്രയ്ക്കെക്കൊടുവിൽ പിറ്റേന്ന് രാവിലെ 10.55 ന് കണ്ണൂരിൽ എത്തും. സ്ലീപ്പർ, എസി ത്രീ ടയർ, എസി ടൂ ടയർ, എസി ഫസ്റ്റ് ക്ലാസ് എന്നീ കോച്ചുകൾ ലഭ്യമാണ്.എസ് എം വി ടി ബെംഗളൂരു – 20:00

യശ്വന്തപുര – 21:25

കുണിഗൽ- 22:44

ബി ജി നഗർ – 23:06

ശ്രവണബെളഗൊള- 23:31

ചന്നരായപട്ടണ – 23:41

ഹാസൻ – 00:30

സക് ലേശ്‌പുര- 01:45

സുബ്രഹ്മണ്യ റോഡ് – 04:50

കബകപുത്തൂർ – 05:40

ബംട്വാള- 06:10

മംഗളൂരു ജങ്ഷൻ – 06:50

മംഗളൂരു സെൻട്രൽ – 07:10

കാസർഗോഡ് – 08:21
കാഞ്ഞങ്ങാട് – 08:41
നീലേശ്വരം – 08:52

പയ്യന്നൂർ – 09:11

കണ്ണൂർ – 10:55

കണ്ണൂർ- എസ് എം വി ടി ബെംഗളൂരു പുതുക്കിയ സമയക്രമം നവംബർ 1 മുതൽ

എല്ലാ ദിവസവും വൈകിട്ട് 6.05 ന് കണ്ണൂരിൽ നിന്നെടുക്കുന്ന എടുക്കുന്ന 16512 കണ്ണൂർ- എസ് എം വി ടി ബെംഗളൂരു എക്സ്പ്രസ് പിറ്റേന്ന് രാവിലെ 07: 45 ന് എസ് എം വി ടി ബെംഗളൂരു സ്റ്റേഷനിലെത്തും. 14 മണിക്കൂർ 40 മിനിറ്റ് ആണ് യാത്രാ സമയം.