പാലക്കാട് സ്വകാര്യ ബസ് മറിഞ്ഞ് അപകടം

• കുട്ടികൾ അടക്കം 16 പേർക്ക് പരിക്ക്

പാലക്കാട്: സ്വകാര്യ ബസ് മറിഞ്ഞ് അപകടം. അപകടത്തിൽ കുട്ടികൾ അടക്കം 16 പേർക്കാണ് പരിക്കേറ്റത്. ആരുടേയും നില ഗുരുതരമല്ല. പാലക്കാട്-തൃശ്ശൂർ ദേശീയ പാതയിലാണ് അപകടം നടന്നത്.

കണ്ണന്നൂരിന് സമീപം പാലക്കാട് നിന്നും തിരുവില്വാമലയിലേക്ക് പോവുന്ന ബസ്സാണ് അപകടത്തിൽപ്പെട്ടത്. പരിക്കേറ്റവരെ ജില്ലാ ആശുപത്രിയിൽ പ്രവേശിപ്പിച്ചു. ബസ് ഓട്ടോയിലിടിച്ച് നിയന്ത്രണം നഷ്‌ടപ്പെട്ട് ഡിവൈഡറിൽ ഇടിച്ചായിരുന്നു അപകടം.നാട്ടുകാരുടേയും പോലീസിൻ്റെയും ഫയർഫോഴ്സിന്റെയും നേതൃത്വത്തിലായിരുന്നു രക്ഷാപ്രവർത്തനം നടന്നത്.