വിവാഹ വാഗ്ദാനം നൽകി പീഡിപ്പിച്ചു;വേടനെതിരെ ബലാത്സംഗക്കേസ്

• 2021 ആഗസ്റ്റ് മുതൽ 2023 മാർച്ച് മാസം വരെ പല സ്ഥലങ്ങളിൽ വെച്ച് വിവാഹ വാഗ്ദാനം നൽകി വേടൻ പീഡിപ്പിച്ചുവെന്നാണ് പരാതി.

കൊച്ചി:വിവാഹ വാഗ്ദാനം നൽകി പീഡിപ്പിച്ചെന്ന പരാതിയിൽ റാപ്പർ വേടനെതിരെ കേസ്. കോഴിക്കോട് സ്വദേശിനിയായ യുവ ഡോക്ടർ നൽകിയ പരാതിയിൽ തൃക്കാക്കര പോലീസാണ് കേസെടുത്തത്.പ്രാഥമിക അന്വേഷണത്തിന് പിന്നാലെയാണ് കേസെടുത്തത്. ഐപിസി 376 (2) വകുപ്പനുസരിച്ച് ഒരു സ്ത്രീയെ ഒന്നിലേറെ പ്രാവശ്യം ബലാൽസംഗം ചെയ്തെന്ന കേസ് ആണ് വേടനെതിരെ എടുത്തിരിക്കുന്നത്.

2021 ആഗസ്റ്റ് മുതൽ 2023 മാർച്ച് മാസം വരെ പല സ്ഥലങ്ങളിൽ വെച്ച് വിവാഹ വാഗ്ദാനം നൽകി വേടൻ പീഡിപ്പിച്ചുവെന്നാണ് പരാതി. പിന്നീട് വിവാഹ വാഗ്ദാനത്തിൽ നിന്ന് വേടൻ പിൻമാറി. വേടന്റെ പിൻമാറ്റം തന്നെ വിഷാദത്തിലേക്ക് നയിച്ചുവെന്നും ആളുകൾ എങ്ങനെ പ്രതികരിക്കും എന്ന് ഭയപ്പെട്ടാണ് ഇതുവരെ പരാതി നൽകാതിരുന്നതെന്നും യുവതി പോലീസിന് മൊഴി നൽകി.