ഷൊർണൂർ-കണ്ണൂർ സ്പെഷൽ ട്രെയിൻ ; ഉജ്ജ്വല വരവേൽപ്പ് നൽകി പയ്യോളി

• ജൂലൈ ഒന്ന് മുതൽ ഓടിത്തുടങ്ങിയ ട്രെയിൻ ഒ ക്ടോബർ 31 വരെയാണ് നിലവിൽ അനുവദിച്ചിരിക്കുന്നത്

പയ്യോളി: പയ്യോളിയിൽ സ്റ്റോപ് അനുവദിച്ച ഷൊർണൂർ – കണ്ണൂർ സ്പെഷൽ ട്രെയിനിന് പയ്യോളിയിലെ നാട്ടുകാർ ഉജ്ജ്വല വരവേൽപ് നൽകി. ഇന്നലെ വൈകീട്ട് 6.12ന് കണ്ണൂരിലേക്കുള്ള 6031-ാം നമ്പർ സ്പെഷൽ ട്രെയിനിന് സ്റ്റോപ് അനുവദിച്ച പ്രകാരം പയ്യോളി റെയിൽവേ സ്റ്റേഷനിൽ നിർത്തിയപ്പോഴാണ് വൻ സ്വീകരണ മൊരുക്കിയത്.

തിരിച്ച് ഷൊർണൂർ ഭാഗത്തേക്കുള്ള 6032-ാം നമ്പർ ട്രെയിൻ രാവിലെ 8.57നാണ് പയ്യോളിയിൽ എത്തുക. ബുധൻ, വ്യാഴം, വെള്ളി ദിവസങ്ങളിൽ ഇരുഭാഗത്തേക്കും ചൊവ്വാഴ്ച കണ്ണൂർ ഭാഗത്തേക്കും ശനിയാഴ്ച ഷൊർണൂർ ഭാഗത്തേക്കുമാണ് ട്രെയിൻ ഓടുക. ഞായറും തിങ്കളും ട്രെയിൻ ഓടില്ല.

പയ്യോളിയിൽ നിർത്തിയ ട്രെയിനിന് പയ്യോളി റെയിൽവേ ഡെവലപ്മെന്റ്റ് ആക്ഷൻ കമ്മിറ്റിയുടെയും പയ്യോളി ട്രെയിൻ പാസഞ്ചേഴ്സ് അസോസിയേഷൻ്റെയും ബിജെപി പയ്യോളി മണ്ഡലം കമ്മിറ്റിയുടെയും ആഭിമുഖ്യത്തി ലാണ് സ്വീകരണമൊരുക്കിയത്. എംപിമാരായ ഷാഫി പറമ്പിലിൻ്റെയും പി.ടി. ഉഷയുടെയും ശ്രമഫലമായാണ് ട്രെയിനിന് പയ്യോളിയിൽ സ്റ്റോപ് അനുവദിച്ചത്. ജൂലൈ ഒന്ന് മുതൽ ഓടിത്തുടങ്ങിയ ട്രെയിൻ ഒക്ടോബർ 31 വരെയാണ് നിലവിൽ അനുവദിച്ചിരിക്കുന്നത്.