സംസ്ഥാനത്തെ ആദ്യ സമ്പൂർണ്ണ വനിതാ പഞ്ചവാദ്യ സംഘം മലപ്പുറത്ത് ഒരുങ്ങുന്നു

• 64 കലകളുടെ പ്രതീകമായി 64 വനിതകളെ ഉൾപ്പെടുത്തിക്കൊണ്ടുള്ള ഈ ബൃഹദ് സംരംഭത്തിന് കണ്ടനകത്തെ ‘സോപാനം’ പഞ്ചവാദ്യം സ്കൂളിലാണ് തുടക്കമായത്.

മലപ്പുറം:സംസ്ഥാനത്തെ ആദ്യ സമ്പൂർണ്ണ വനിതാ പഞ്ചവാദ്യ സംഘം മലപ്പുറത്ത് ഒരുങ്ങുന്നു. 64 കലകളുടെ പ്രതീകമായി 64 വനിതകളെ ഉൾപ്പെടുത്തിക്കൊണ്ടുള്ള ഈ ബൃഹദ് സംരംഭത്തിന് കണ്ടനകത്തെ ‘സോപാനം’ പഞ്ചവാദ്യം സ്കൂളിലാണ് തുടക്കമായത്.

പത്തു വയസ്സുള്ള കൊച്ചു കുട്ടികൾ മുതൽ 71 വയസ്സുള്ള മുതിർന്നവർ വരെ ഈ 64 അംഗ സംഘത്തിലുണ്ട്. പുതുവത്സരാഘോഷങ്ങൾക്ക് വേറിട്ടൊരു താളം നൽകിക്കൊണ്ട് സംഘത്തിൻ്റെ പരിശീലനം സജീവമായി പുരോഗമിക്കുകയാണ്. പത്തു മുതൽ 71 വയസ്സ് വരെയുള്ള പ്രായം തളർത്താത്ത ആവേശവുമായി രംഗത്തുണ്ട്. പഞ്ചവാദ്യത്തിന്റെ ലോകത്ത് ലിംഗഭേദമില്ലെന്ന് തെളിയിക്കുന്നതാണ് ഈ സംഘത്തിലെ അംഗങ്ങൾ. മദ്ദളം, തിമില, ഇടയ്ക്ക, ഇലത്താളം, കൊമ്പ് തുടങ്ങി പഞ്ചവാദ്യത്തിന്റെ എല്ലാ ഘടകങ്ങളിലും ഇവർ പരിശീലനം നേടുന്നു.