സംസ്ഥാനത്ത് സ്വർണവിലയിൽ നേരിയ മാറ്റം
- ഗ്രാമിന് 30 രൂപ കുറഞ്ഞ് 10,575 രൂപയായി
തിരുവനന്തപുരം : ദിവസങ്ങളായി തുടർന്ന സ്വർണക്കുതിപ്പിന് ഇന്ന് സഡൻ ബ്രേക്ക്.
കഴിഞ്ഞ രണ്ട് ദിവസങ്ങളിലും തുടർച്ചയായി രാവിലെയും ഉച്ചക്ക് ശേഷവും വില വർധിച്ചിരുന്നു. ഇന്ന് പവന് 240 രൂപയാണ് കുറഞ്ഞത്. ഒരു പവന് 84,600 രൂപ നൽകണം. ഗ്രാമിന് 30 രൂപ കുറഞ്ഞ് 10,575 രൂപയായി. ഇന്നലെ 84,840 രൂപയായിരുന്നു ഒരു പവൻ സ്വർണത്തിന്. സ്വർണത്തിന്റെ എക്കാലത്തേയും വലിയ വിലയാണിത്.
രണ്ട് തവണയായി 1,920 രൂപയാണ് ഇന്നലെ വർധിച്ചത്. രാവിലെ ഒരു പവൻ സ്വർണത്തിന്റെ വില 83,840 ആയിരുന്നെങ്കിൽ വൈകുന്നേരം ആയിരം രൂപ വർധിക്കുകയായിരുന്നു. പവന് 77,640 എന്ന നിരക്കിലാണ് ഈ മാസം സ്വർണ വില ആരംഭിച്ചത്. എന്നാൽ സെപ്റ്റംബർ ഒൻപതിന് 80,880 രൂപയായി.
