സംസ്ഥാനത്ത് സ്വർണ്ണവില വീണ്ടും കൂടി

• പവന് ഇന്ന് കൂടിയത് 480രൂപ

തിരുവനന്തപുരം :സംസ്ഥാനത്ത് ഇന്നും സ്വർണവില കൂടി. പവന് 480 രൂപയാണ് ഇന്ന് കൂടിയത്. ഇതോടെ വിപണിയിൽ ഒരു പവൻ സ്വർണത്തിൻ്റെ വില 59, 000 രൂപയായി. അന്താരാഷ്ട്ര സ്വർണവില ഉയർന്നതാണ് സംസ്ഥാന വിപണിയിൽ പ്രതിഫലിക്കുന്നത്. ഒരു ഗ്രാം 22 കാരറ്റ് സ്വർണത്തിന്റെ വില 7375 രൂപയാണ് ഒരു ഗ്രാം 18 കാരറ്റ് സ്വർണത്തിന്റെ വില 6075 രൂപയാണ്.

നിലവിൽ രണ്ട് മാസത്തിനിടെ പവന് 6,560 രൂപയും, ഗ്രാമിന് 820 രൂപയുമാണ് വില ഉയർന്നിരിക്കുന്നത്. ഈ കഴിഞ്ഞ 10 മാസത്തിനകം 33% എന്ന തോതിലാണ് സ്വർണ്ണ വില ഉയർന്നത്.