സന്തോഷ് പണ്ഡിറ്റിന്റെ ‘കേരളാ ലൈവ്’ ഒരുങ്ങുന്നു
- അഞ്ച് ലക്ഷം രൂപ ബഡ്ജറ്റിലൊരുങ്ങുന്ന സിനിമയുടെ പ്രധാന ലൊക്കേഷൻ കുളു, മണാലി, കശ്മീർ എന്നിവയാണ്
സന്തോഷ് പണ്ഡിറ്റിന്റെ പുതിയ സിനിമയുടെ വിവരങ്ങൾ പുറത്തു വിട്ടു . പുതിയ ചിത്രം ‘കേരളാ ലൈവി’ന്റെ രണ്ടാം ഷെഡ്യൂൾ ആരംഭിച്ചുവെന്ന് നടനും സംവിധായകനുമായ സന്തോഷ് പണ്ഡിറ്റ് ഫേസ് ബുക്കിലൂടെയാണ് അറിയിച്ചത്. ചിത്രത്തിൽ നൂറിലധികം പുതുമുഖ താരങ്ങൾ അണിനിരക്കുന്നുവെന്നും അദ്ദേഹം പറഞ്ഞു.2011-ൽ ‘കൃഷ്ണനും രാധയും’ എന്ന ചിത്രത്തിലൂടെയാണ് സന്തോഷ് പണ്ഡിറ്റ് ആദ്യമായി സംവിധായകനാകുന്നത്. സംവിധാനം ചെയ്ത ചിത്രങ്ങളിലെല്ലാം സന്തോഷ് പണ്ഡിറ്റ് തന്നെയാണ് നടൻ .
മിനിമോളുടെ അച്ഛൻ, സൂപ്പർസ്റ്റാർ സന്തോഷ് പണ്ഡിറ്റ്, കാളിദാസൻ കവിതയെഴുതുകയാണ്, ഉരുക്ക് സതീശൻ, ടിന്റുമോൻ എന്ന കോടീശ്വരൻ, നീലിമ നല്ല കുട്ടിയാണ്, വി /എസ് ചിരഞ്ജീവി ഐ.പി.എസ്, കൃഷ്ണനും രാധയും, ബ്രോക്കർ പ്രേമചന്ദ്രന്റെ ലീലാവിലാസങ്ങൾ, എന്നിവയാണ് സന്തോഷ് പണ്ഡിറ്റിന്റെ മറ്റ് ചിത്രങ്ങൾ.
കുളു, മണാലി, കശ്മീർ എന്നിവിടങ്ങളിലായി ഇനി പാട്ടിന്റെ ചിത്രീകരണം ഉണ്ടെന്നും സന്തോഷ് പണ്ഡിറ്റ് അറിയിച്ചു. ക്യാമറ ഒഴികെ ബാക്കി വർക്കുകളെല്ലാം സന്തോഷ് പണ്ഡിറ്റ് തന്നെയാണ് ചെയ്യുന്നത്.
സന്തോഷ് പണ്ഡിറ്റിന്റെ ഫേസ് ബുക്ക്‌ കുറിപ്പ് :
പ്രിയ ഫേസ്ബുക്ക് കുടുംബമേ,
വെറും 5 ലക്ഷം രൂപാ ബഡ്ജറ്റിൽ ഒരുങ്ങുന്ന എന്റെ 12 മത്തെ സിനിമ “കേരളാ ലൈവ്” രണ്ടാം ഷെഡ്യൂൾ ഉടനെ ആരംഭിക്കുന്ന വിവരം എല്ലാവരെയും സന്തോഷത്തോടെ അറിയിക്കുന്നു. എന്നോടൊപ്പം ഡയലോഗ് ഉള്ള 100ലതികം പുതുമുഖ നടീ നടൻമാർ അഭിനയിക്കുന്നു. ആദ്യ ഷെഡ്യുൾ കഴിഞ്ഞതിൽ പിന്നെ മഴ, എന്റെ ചില കുഞ്ഞു ചാരിറ്റി പ്രവർത്തനങ്ങൾ ഒക്കെ ആയി തുടർച്ചയായി യാത്രയിൽ ആയതിനാൽ കുറേ സമയം പോയതാണ് ഒരു ചെറിയ ഗ്യാപ് വരുവാൻ കാരണം. ചില ഗാനങ്ങൾ ഷില്ലോങ്, ഡാർജിലിംഗ് ഭാഗത്ത് ഷൂട്ട് ചെയ്ത് കഴിഞ്ഞു. ആകെ 8 പാട്ട് ഉണ്ടേ.. ബാക്കി ഗാനങ്ങൾ കുളു, മണാലി, കാശ്മീർ ഉടനേ ചെയ്യണം.. രണ്ടു സംഘട്ടനങ്ങൾ ഷൂട്ട് ചെയ്ത് കഴിഞ്ഞ് ട്ടോ. ബാക്കി ഈ ഷെഡ്യൂൾ പൂർത്തി ആക്കണം..ക്യാമറ ഒഴികെ എല്ലാ ജോലികളും ഞാൻ ഒറ്റക്ക് ചെയ്യുന്നു. എഡിറ്റിങ്, ഡബ്ബിംഗ് ജോലികൾ ഉടനേ ചെയ്ത് തീർത്ത് ഓണം റിലീസ് പ്രതീക്ഷിക്കുന്നു. എല്ലാവരുടെയും അനുഗ്രഹം പ്രതീക്ഷിക്കുന്നു..
