സ്കൂൾ ബസുകളിൽ ക്യാമറ നിർബന്ധമാക്കും- മന്ത്രി കെ.ബി. ഗണേഷ് കുമാർ

• സ്വകാര്യ ബസുകളിൽ ഡ്രൈവറുടെ കാബിനിൽ ഉൾപ്പെടെ ക്യാമറ വെക്കണമെന്ന് നിർദേശിച്ചിട്ടുണ്ട്

തിരുവനന്തപുരം:സ്‌കൂൾ ബസുകളിൽ ക്യാമറ നിർബന്ധമാക്കുമെന്ന് മന്ത്രി കെ.ബി. ഗണേഷ് കുമാർ. വരുന്ന അധ്യയനവർഷം മുതൽ ക്യാമറ ഘടിപ്പിക്കാത്ത വാഹനങ്ങൾക്ക് ഫിറ്റ്നസ് സർട്ടിഫിക്കറ്റ് നൽകില്ലെന്നും മന്ത്രി വാർത്ത സമ്മേളനത്തിൽ പറഞ്ഞു.

സ്വകാര്യ ബസുകളിൽ ഡ്രൈവറുടെ കാബിനിൽ ഉൾപ്പെടെ ക്യാമറ വെക്കണമെന്ന് നിർദേശിച്ചിട്ടുണ്ട്. സ്വകാര്യ ബസ് ജീവനക്കാർ കുറ്റവാളികളെല്ലെന്ന് ഉറപ്പിക്കാൻ പോലീസ് വെരിഫിക്കേഷൻ നിർബന്ധമാക്കിയിട്ടുണ്ട്. കെ.എസ്.ആർ.ടി.സി ജീവനക്കാരിൽ അത് ഉറപ്പാക്കിയിട്ടുണ്ട്. മോട്ടോർ വാഹനവകുപ്പിൻ്റെ ചെക്പോസ്റ്റിൽ അഴിമതി അവസാനിപ്പിക്കും. വിജിലൻസ് പരിശോധന തുടരും. കൃത്യമായി നടപടിയുണ്ടാകും. ഉദ്യോഗസ്ഥർ എല്ലാവരും കള്ളന്മാരെന്ന് പറയുന്നില്ലെന്നും മന്ത്രി പറഞ്ഞു