സ്വർണവില കൂടി

• പവന് 680 രൂപ വർധിച്ചു

തിരുവനന്തപുരം:സംസ്ഥാനത്ത് സ്വർണ വില വീണ്ടും വർധിച്ചു. പവന് 680 രൂപ വർധിച്ച് സ്വർണവില വീണ്ടും 58,000ന് മുകളിൽ എത്തി. ഒരു പവൻ സ്വർണത്തിന്റെ വില 58,280 രൂപയാണ്. ഗ്രാമിന് 85 രൂപയാണ് വർധിച്ചത്.

7285 രൂപയാണ് ഒരു ഗ്രാം സ്വർണത്തിന്റെ വില. സ്വർണത്തിന് 1300 രൂപയുടെ കുറവാണ് ഇന്നലെ ഉണ്ടായത്. അടുത്തിടെ ആദ്യമായാണ് സ്വർണവില ഒറ്റയടിക്ക് ആയിരത്തിലധികം രൂപ കുറഞ്ഞത്. അന്താരാഷ്ട്ര വിപണിയിലെ മാറ്റമാണ് സ്വർണവിലയിൽ പ്രതിഫലിച്ചത്.