സ്വർണവില താഴേക്ക്

• രണ്ട് ദിവസത്തിനിടെ കുറഞ്ഞത് 720 രൂപ

കൊച്ചി :സംസ്ഥാനത്ത് ഇന്നും സ്വർണവില കുറഞ്ഞു. 80 രൂപയാണ് ഒരു പവന് കുറഞ്ഞത്. ഒരു പവൻ സ്വർണത്തിന്റെ ഇന്നത്തെ വിപണി മൂല്യം 53,000 രൂപയായി. ഗ്രാമിന് 10 രൂപ കുറഞ്ഞ് 6625 രൂപയാണ് ഒരു ഗ്രാം സ്വർണത്തിന്റെ വില. രണ്ടുദിവസത്തിനിടെ സ്വർണത്തിന് കുറഞ്ഞത് 720 രൂപ.

മെയ് മാസം 20ന് സ്വർണവില 55,120 രൂപയിൽ എത്തിയിരുന്നു. തുടർന്ന് നാലുദിവസത്തിനിടെ പവന് രണ്ടായിരം രൂപ കുറഞ്ഞ ശേഷം ഏറിയും കുറഞ്ഞും നിൽക്കുകയാണ് സ്വർണവില. ഓഹരി വിപണിയിലും അന്താരാഷ്ട്ര വിപണിയിലും ഉണ്ടാകുന്ന ചലനങ്ങളാണ് സ്വർണവിലയിൽ ഏറ്റകുറച്ചിൽ ഉണ്ടാക്കുന്നത്.