സ്വർണവിലയിൽ കുതിപ്പ്

• 9390 രൂപയാണ് ഒരു ഗ്രാം സ്വർണത്തിന്റെ വില

തിരുവനന്തപുരം: സംസ്ഥാനത്ത് സ്വർണവില വീണ്ടും 75,000 കടന്നു. ഇന്ന് പവന് 280 രൂപ വർധിച്ചതോടെയാണ് സ്വർണവില വീണ്ടും 75000 കടന്നത്. 75,120 രൂപയാണ് ഒരു പവൻ സ്വർണത്തിന്റെ ഇന്നത്തെ വില. ഗ്രാമിന് 35 രൂപയാണ് വർധിച്ചത്. 9390 രൂപയാണ് ഒരു ഗ്രാം സ്വർണത്തിന്റെ വില.

ഈ മാസം എട്ടാം തീയതി റെക്കോർഡിൽ എത്തിയ സ്വർണവില പിന്നീടുള്ള ദിവസങ്ങളിൽ കുറയുന്ന കാഴ്ചചയാണ് ദൃശ്യമായത്. 75,760 രൂപയാണ് റെക്കോർഡ് 12 ദിവസത്തിനിടെ 2300 രൂപ കുറഞ്ഞ ശേഷമാണ് വില ഉയരാൻ തുടങ്ങിയത്. ഏഴുദിവസത്തിനിടെ 1700 രൂപയാണ് വർധിച്ചത്. ഈ മാസാദ്യം 73,200 രൂപയായിരുന്നു സ്വർണവില.