പാനും ആധാറും ബന്ധിപ്പിക്കണം; സമയപരിധി അവസാനിക്കാൻ ഇനി ആഴ്ചകൾ
- ലിങ്ക് ചെയ്തില്ലെങ്കിൽ ഇടപാടുകൾ സുഗമമായി നടത്തുന്നതിന് ബുദ്ധിമുട്ട് നേരിടുമെന്ന് ആദായനികുതി വകുപ്പ്
ന്യൂഡൽഹി: പാൻ കാർഡും ആധാറും തമ്മിൽ ബന്ധിപ്പിക്കുന്നതിനുള്ള സമയപരിധി അവസാനിക്കാൻ ഇനി ആഴ്ചകൾ മാത്രം. ഡിസംബർ 31നകം ലിങ്ക് ചെയ്തില്ലായെങ്കിൽ പാൻകാർഡ് പ്രവർത്തനരഹിതമാകുമെന്നും ഇടപാടുകൾ സുഗമമായി നടത്തുന്നതിന് ഇത് ബുദ്ധിമുട്ട് നേരിടുമെന്നും ആദായനികുതി വകുപ്പ് മുന്നറിയിപ്പ് നൽകി.
സാമ്പത്തിക തട്ടിപ്പ് കേസുകളുടെ എണ്ണം വർധിച്ചിരിക്കുന്ന പശ്ചാത്തലത്തിലാണ് ആദായനികുതി വകുപ്പിന്റെ നിർദേശം.
നിരവധി ഫിൻടെക് സ്ഥാപനങ്ങൾ ഉപയോക്ത്യ അനുമതിയില്ലാതെ ഉപഭോക്ത്യ പ്രൊഫൈലുകൾ സൃഷ്ട‌ിക്കാൻ പാനു വിവരങ്ങൾ ദുരുപയോഗം ചെയ്യുന്നുണ്ട്. ഇത് ഗുരുതരമായ ആശങ്കകൾ ഉയർത്തുന്നുണ്ട്. അതിനാൽ, വ്യക്തിഗത വിവരങ്ങളുടെഅതിനാൽ, വ്യക്തിഗത വിവരങ്ങളുടെ ദുരുപയോഗം തടയാൻ, പാൻ വഴി വ്യക്തിഗത വിവരങ്ങളിലേക്കുള്ള ആക്സസ് പരിമിതപ്പെടുത്താൻ ആഭ്യന്തര മന്ത്രാലയം ആദായനികുതി വകുപ്പിന് നിർദ്ദേശം നൽകിയിട്ടുണ്ട്. ഇതിന്റെ അടിസ്ഥാനത്തിലാണ് നടപടി.
ഇന്ത്യയിലെ എല്ലാ നികുതിദായകരും ആധാർ കാർഡുമായി പാൻ ബന്ധിപ്പിക്കുന്നത് നിർബന്ധമാക്കിയതായി ആദായനികുതി വകുപ്പ് അറിയിച്ചു. സമയപരിധിക്ക് മുമ്പ് ഇവ രണ്ടും ലിന് ചെയ്യുന്നതിൽ പരാജയപ്പെടുന്നത് പാൻ കാർഡുകൾ പ്രവർത്തനരഹിതമാക്കും. ഇത് സാമ്പത്തിക ഇടപാടുകൾ നടത്തുന്നതിൽ ബുദ്ധിമുട്ട് സൃഷ്ടിക്കുമെന്നും മുന്നറിയിപ്പിൽ പറയുന്നു.www.incometax.gov.in വെബ്സൈറ്റിൽ കയറി Link Aadhaarൽ ക്ലിക്ക് ചെയ്യുക. പാൻ, ആധാർ, പേര്, മൊബൈൽ നമ്പർ എന്നിവ നൽകിയാൽ ലിങ്ക് ചെയ്യും. ഇരുരേഖകളിലെയും പേര്, ജനനത്തീയതി, ലിംഗം എന്നിവ ഒരുപോലെയായിരിക്കണം. മൊബൈലിൽ വരുന്ന ഒടിപി നൽകിയാണ് നടപടിക്രമം പൂർത്തിയാക്കേണ്ടത്.പാൻ- ആധാർ ലിങ്കിങ് സ്റ്റാറ്റസ് അറിയാം
www.incometax.gov.ind ഹോംപേജിലെ ‘Quick Links’ ഓപ്ഷനിൽ ക്ലിക്ക് ചെയ്യുക
തുടർന്ന് ആധാർ സ്റ്റാറ്റസ് ലിങ്കിൽ ക്ലിക്ക് ചെയ്ത് പാൻ, ആധാർ നമ്പർ നൽകിയാൽ ആധാറുമായി പാൻ ലിങ്ക് ചെയ്തോ എന്ന് അറിയാൻ സാധിക്കും
ലിങ്ക് ചെയ്തിട്ടില്ലെങ്കിൽ പാൻ ആധാറുമായി ബന്ധിപ്പിച്ചിട്ടില്ല എന്ന് തെളിഞ്ഞുവരും.
Quick Links ന് കീഴിലുള്ള ലിങ്ക് ആധാറിൽ ക്ലിക്ക് ചെയ്ത് ആധാറുമായി പാനിനെ ബന്ധിപ്പിക്കാനും ക്രമീകരണം ഒരുക്കിയിട്ടുണ്ട്.
