ഫ്രിജ് റിപ്പയറിങ് കടയിൽ പൊട്ടിത്തെറി;യുവാവിന് ദാരുണാന്ത്യം

• ഊർക്കടവ് എളാടത്ത് റഷീദ് ആണ് മരിച്ചത്

മലപ്പുറം:ഊർക്കടവിൽ ഫ്രിജ് റിപ്പയറിങ് കടയിൽ ഉണ്ടായ പൊട്ടിത്തെറിയിൽ ഒരു മരണം. മരിച്ചത് ഊർക്കടവ് എളാടത്ത് റഷീദ് ആണ് . പൊട്ടിത്തെറി ഉണ്ടായത് ഫ്രിജ് നന്നാക്കുന്നതിനിടെയാണ് . പൊട്ടിത്തെറിയ്ക്ക് കാരണമായത് കടയിൽ ഉണ്ടായിരുന്ന ഗ്യാസ് സിലിണ്ടറിൽ നിന്നുള്ള ചോർച്ചയാണെന്നാണ് പ്രാഥമിക നിഗമനം. മരിച്ച റഷീദ് കടയുടെ നടത്തിപ്പുകാരനാണ്.

ഫൊറൻസിക് സംഘം സംഭവസ്ഥലത്ത് പരിശോധന നടത്തും. ഇതിനു ശേഷം മാത്രമേ പൊട്ടിത്തെറിക്കുള്ള യഥാർഥ കാരണം വ്യക്തമാവുകയുള്ളൂ. പൊട്ടിത്തെറിയുടെ സമയത്ത് പരിസരത്ത് നിരവധിപ്പേർ ഉണ്ടായിരുന്നുവെങ്കിലും കടയ്ക്കുള്ളിൽ റഷീദ് മാത്രമാണ് ഉണ്ടായിരുന്നത്. ഗുരുതരമായി പരുക്കേറ്റ റഷീദിനെ ഉടൻ തന്നെ ആശുപ്രതിയിലേക്ക് പ്രവേശിപ്പിച്ചെങ്കിലും ജീവൻ രക്ഷിക്കാനായില്ല.