സംസ്‌ഥാന സ്‌കൂൾ കലോത്സവം ഡിസംബറിൽ തിരുവനന്തപുരത്ത്

• കലോത്സവം നടത്തുക പുതുക്കിയ മാന്വൽ അനുസരിച്ചാകും

തിരുവനന്തപുരം :സംസ്‌ഥാന സ്‌കൂൾ കലോത്സവം ഡിസംബറിൽ തിരുവനന്തപുരത്ത് വെച്ച് നടക്കുമെന്ന് വിദ്യാഭ്യാസ വകുപ്പ്. കലോത്സവം നടത്തുക പുതുക്കിയ മാന്വൽ അനുസരിച്ചാകും. കൂടാതെ സ്‌കൂൾ കായികമേള എറണാകുളം ജില്ലയിൽ ഒക്ടോബർ 18, 19, 20, 21, 22 തീയതികളിൽ നടത്തും. സ്പെഷൽ സ്കൂൾ കലോത്സവം സെപ്റ്റംബർ 25, 26, 27 തീയതികളിൽ കണ്ണൂർ ജില്ലയിൽ വെച്ചാണ് നടക്കുക.ശാസ്ത്രമേള ആലപ്പുഴ ജില്ലയിൽ നവംബർ 14, 15, 16, 17 തീയതികളിൽ നടത്തും. കരിയർ ഗൈഡൻസ് ദിശ എക്സ്പോ ഒക്ടോബർ 5, 6, 7, 8, 9 തീയതികളിൽ തൃശൂർ ജില്ലയിലാകും സംഘടിപ്പിക്കുക.

കൊല്ലത്ത് നടന്ന കഴിഞ്ഞ വർഷത്തെ കലോത്സവത്തിൽ ജില്ലയിലെ ഒരു കലാരൂപം ഉദ്ഘാടന സമ്മേളനത്തിന്റെ ഭാഗമായി അവതരിപ്പിച്ചിരുന്നു. ഇത്തവണ ഒരു മത്സര ഇനമായി ഉൾപ്പെടുത്തണമെന്ന രീതിയിൽ കാര്യങ്ങൾ പുരോഗമിക്കുകയാണെന്ന് മന്ത്രി വി.ശിവൻകുട്ടിയുടെ ഓഫിസ് അറിയിച്ചു.