അഞ്ചാം തവണയും ബ്ലൂ ഫ്ലാഗ് പദവിയിൽ കാപ്പാട് ബീച്ച്
- കാപ്പാട് ബീച്ചിൽ മന്ത്രി പി.എ. മുഹമ്മദ് റിയാസ് ബ്ലൂ ഫ്ലാഗ് ഉയർത്തി
കോഴിക്കോട്: അഞ്ചാം തവണയും കാപ്പാട് ബീച്ചിനു ബ്ലൂ ഫ്ലാഗ് പദവി. കാപ്പാട് ബീച്ചിൽ മന്ത്രി പി.എ. മുഹമ്മദ് റിയാസ് ബ്ലൂ ഫ്ലാഗ് ഉയർത്തി. കാപ്പാട് ബീച്ചിൽ മ്യൂസിയം സ്ഥാപിക്കാൻ സംസ്‌ഥാന സർക്കാർ ഫണ്ട് അനുവദിച്ചതായും അതുമായി ബന്ധപ്പെട്ട പ്രവർത്തനങ്ങൾ പുരോഗമിക്കുന്നുണ്ടെന്നും മന്ത്രി അറിയിച്ചു.
പരിപാടിയിൽ കാനത്തിൽ ജമീല എംഎൽഎ അധ്യക്ഷത വഹിച്ചു. പന്തലായനി ബ്ലോക്ക് പഞ്ചായത്ത് പ്രസിഡന്റ് പി.ബാബുരാജ്, ചേമഞ്ചേരി പഞ്ചായത്ത് പ്രസിഡന്റ് സതി കിഴക്കയിൽ, അതുല്യ ബൈജു, ബ്ലോക്ക് പഞ്ചായത്ത് അംഗം കെ. മൊയ്തീൻ കോയ, ഡിടിപിസി എക്സിക്യൂട്ടീവ് കമ്മിറ്റി മെംബർ കെ.കെ.മുഹമ്മദ്, വിനോദസഞ്ചാര വകുപ്പ് ഡപ്യൂട്ടി ഡയറക്ടർ സത്യജിത്ത് ശങ്കർ, ജോയിന്റ് ഡയറക്ടർ ഗിരീഷ് കുമാർ, ഡിടിപിസി സെക്രട്ടറി ടി.നിഖിൽദാസ് എന്നിവർ സംസാരിച്ചു. ബീച്ചുകൾക്കു ബ്ലൂ ഫ്ലാഗ് പദവി നൽകുന്നത് ഫൗണ്ടേഷൻ ഫോർ എൻവയൺമെന്റൽ എജ്യുക്കേഷനാണ്.
ഡിടിപിസിയും മലബാർ ബോട്ടാണിക്കൽ ഗാർഡനും നടപ്പാക്കുന്ന വൈൽഡ് ഓർക്കിഡുകളെ പുനരധിവസിപ്പിക്കുന്ന പദ്ധതിയുടെ രണ്ടാം ഘട്ടത്തിന്റെ ഭാഗമായി മലബാർ ബോട്ടാണിക്കൽ ഗാർഡനിലെ ഡോ.കെ.മിഥുൻ, മന്ത്രിക്ക് ഓർക്കിഡ് കൈമാറി
