അർജുന് യാത്രാമൊഴി നൽകാൻ ജനപ്രവാഹം

• രാവിലെ എട്ടരയോടെ മൃതദേഹം വീട്ടിലെത്തിച്ചു

കോഴിക്കോട്: അർജുന് യാത്രാമൊഴി നൽകാൻ കണ്ണാടിക്കലെ വീട്ടിലെത്തിയത് പതിനായിരങ്ങളാണ്. രാവിലെ എട്ടരയോടെ മൃതദേഹം വീട്ടിലെത്തിച്ചു.

അർജുന്റെ മൃതദേഹം വഹിച്ച ആംബുലൻസ് ജില്ലാ തീർത്തിയായ അഴിയൂരിൽ ശനിയാഴ്ച രാവിലെ ആറോടെയാണെത്തിയത്. മന്ത്രി എ. കെ. ശശീന്ദ്രൻ, എംഎൽഎമാരായ തോട്ടത്തിൽ രവീന്ദ്രൻ, കെ.കെ. രമ, ജില്ലാ കലക്ടർ സ്നേഹിൽകുമാർ തുടങ്ങിയവർ മൃതദേഹം ഏറ്റുവാങ്ങി.വീട്ടിലെ പൊതുദർശനത്തിന് ശേഷം വീട്ടുവളപ്പിൽ സംസ്കരിക്കും. മൃതദേഹം സംസ്കരിക്കുന്നതിനുള്ള ചെലവ് കേരള സർക്കാർ വഹിക്കും. കർണാടക സർക്കാരിന്റെ സഹായധനമായി അഞ്ച് ലക്ഷം രൂപ ബന്ധുക്കൾക്ക് കൈമാറും.