ഈസ്റ്റർ,വിഷു-കൂടുതൽ അന്തർസംസ്ഥാന സർവീസുമായി കെഎസ്ആർടിസി

• കേരളത്തിലെ വിവിധ യൂണിറ്റുകളിൽനിന്ന് ബംഗളൂരു, മൈസൂരു, ചെന്നൈ എന്നിവിടങ്ങളിലേക്കും തിരിച്ചും സർവീസുണ്ടാകും

തിരുവനന്തപുരം : വിഷു, ഈസ്റ്റർ ആഘോഷത്തോടനുബന്ധിച്ച് കെഎസ്ആർടിസി കൂടുതൽ അന്തർസംസ്ഥാന സർവീസുകൾ നടത്തും. ഏപ്രിൽ എട്ടുമുതൽ 22- വരെയാണ് പ്രത്യേക സർവീസ് നടത്തുകയെന്ന് കെഎസ്ആർടിസി (ഓപ്പറേഷൻസ്) എക്സിക്യുട്ടീവ് ഡയറക്ടർ അറിയിച്ചു. കേരളത്തിലെ വിവിധ യൂണിറ്റുകളിൽനിന്ന് ബംഗളൂരു, മൈസൂരു, ചെന്നൈ എന്നിവിടങ്ങളിലേക്കും തിരിച്ചും സർവീസുണ്ടാകും. നിലവിലുള്ളവയ്ക്ക് പുറമെയാണ് അധിക സർവീസുകൾ. യാത്രക്കാരുടെ തിരക്കനുസരിച്ച് കൂടുതൽ സർവീസുകൾ ക്രമീകരിക്കും.

ടിക്കറ്റുകൾ www.onlineksrtcswift. com എന്ന ഓൺലൈൻ വെബ്സൈറ്റുവഴിയും ente ksrtc neo oprs എന്ന മൊബൈൽ ആപ്പുവഴിയും ബുക്ക് ചെയ്യാം.

വിവരങ്ങൾക്ക്: കെഎസ്ആർടിസി

തിരുവനന്തപുരം: – 0471

2323886,030 9484 2372033,

കോഴിക്കോട് 0495 2723796,
കൺട്രോൾറൂം: – 9447071021.