കണയങ്കോട് പുഴയിൽ ചാടിയ യുവാവ് മരിച്ചു

• ഇതുവരെ ആളെ തിരിച്ചറിഞ്ഞിട്ടില്ല

കൊയിലാണ്ടി:കണയങ്കോട് പാലത്തിൽ നിന്നും പുഴയിലേക്ക് ചാടിയ യുവാവ് മരിച്ചു. ഇതുവരെ ആളെ തിരിച്ചറിഞ്ഞിട്ടില്ല. ഇന്ന് ഉച്ചയ്ക്ക് ഒരു മണിയോടെയാണ് പുഴയിലേയ്ക്ക് ചാടിയത്. പാലത്തിൽവെച്ച് കൈ ഞരമ്പ് മുറിച്ചത് ശ്രദ്ധയിൽപ്പെട്ട പ്രദേശവാസി ഇയാളോട് കാര്യം തിരക്കുന്നതിനിടെ അപ്രതീക്ഷിതമായി പുഴയിലേക്ക് ചാടുകയായിരുന്നു.

സംഭവം ശ്രദ്ധയിൽപ്പെട്ട നാട്ടുകാരും മത്സ്യത്തൊഴിലാളികളും ഉടൻ തന്നെ തിരച്ചിൽ നടത്തുകയും വലയെറിഞ്ഞ് പരിശോധിക്കുകയും ചെയ്‌തു. കുറഞ്ഞ സമയത്തിനുള്ളിൽ തന്നെ ആളെ കണ്ടെത്തിയിരുന്നു. കൊയിലാണ്ടി ഫയർഫോഴ്സ് സ്ഥലത്തെത്തി തിരച്ചിലിൽ പങ്കാളിയായി. ആളെ ഉടൻ കൊയിലാണ്ടി താലൂക്ക് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല