കാറ്റിനും മഴയ്ക്ക് സാധ്യത
- തീരപ്രദേശത്തു കഴിയുന്നവരും കടലിൽ മത്സ്യബന്ധനത്തിനായി പോകുന്നവരും ജാഗ്രത പാലിക്കണമെന്ന് നിർദ്ദേശമുണ്ട്
തിരുവനന്തപുരം:ബംഗാൾ ഉൾക്കടലിൽ വീണ്ടും ന്യൂനമർദ സാധ്യതയുള്ളതിനാൽ വരും ദിവസങ്ങളിൽ ഇടവിട്ടും ഒറ്റപ്പെട്ടുമുള്ള മഴയ്ക്ക് സാധ്യതയെന്ന് കേന്ദ്ര കാലാവസ്ഥാ വകുപ്പ്. കേരളത്തിലും ലക്ഷദ്വീപിലും ബുധനാഴ്ചയും മഴ തുടർന്നു. ഇടിയോടു കൂടിയ മഴയ്ക്കു തെക്കൻ ജില്ലകളിൽ സാധ്യതയുണ്ടെന്നും കാലാവസ്ഥാ വകുപ്പ്.
തിരുവനന്തപുരം, കൊല്ലം, പത്തനംതിട്ട, കണ്ണൂർ, കാസർകോട് തുടങ്ങിയ ജില്ലകളിൽ വ്യാഴാഴ്ച വരെ ശക്തമായ മഴ ലഭിക്കും. ഈ ജില്ലകളിൽ മണിക്കൂറിൽ 30 കിലോമീറ്റർ മുതൽ 40 കിലോമീറ്റർ വരെ വേഗത്തിലുള്ള കാറ്റിനും സാധ്യതയുണ്ട്. തീരപ്രദേശത്തു കഴിയുന്നവരും കടലിൽ മത്സ്യബന്ധനത്തിനായി പോകുന്നവരും ജാഗ്രത പാലിക്കണമെന്നും നിർദ്ദേശമുണ്ട്.
CATEGORIES News
