കെഎസ്ആർടിസിക്ക് 30 കോടി രൂപകൂടി അനുവദിച്ചു

• പ്രതിമാസ 50 കോടി രൂപ വീതമാണ് കോർപറേഷന് സർക്കാർ സഹായമായി നൽകുന്നത്

തിരുവനന്തപുരം:കെഎസ്ആർടിസിക്ക് സർക്കാർ 30 കോടി രൂപകൂടി അനുവദിച്ചതായി ധനകാര്യ മന്ത്രി കെ.എൻ ബാലഗോപാൽ അറിയിച്ചു.20 കോടി കഴിഞ്ഞ ആഴ്‌ചയിൽ നൽകിയിരുന്നു. പ്രതിമാസ 50 കോടി രൂപ വീതമാണ് കോർപറേഷന് സർക്കാർ സഹായമായി നൽകുന്നത്.

കെഎസ്ആർടിസിക്ക് ഈ വർഷം ബജറ്റിൽ 900 കോടി രൂപയാണ് വകയിരുത്തിയത്. ഇതിനകം 1111 കോടി നൽകി.കെഎസ്ആർടിസിക്കായി ഈ സർക്കാർ ഇതുവരെ 6100 കോടി രൂപ അനുവദിച്ചു.