കൊയിലാണ്ടിയിൽ കുടുംബശ്രീ സൗത്ത് എഡിഎസ് ഭരണ സമിതി അംഗങ്ങൾക്ക് പരിശീലനം നടത്തി
- ചടങ്ങ് നഗരസഭ ചെയർപേഴ്സൺ സുധകിഴക്കേപാട്ട് ഉദ്ഘാടനം ചെയ്തു
കൊയിലാണ്ടി: കൊയിലാണ്ടി നഗരസഭ കുടുംബശ്രീ സൗത്ത് സിഡിഎസിന്റെ നേതൃത്വത്തിൽ ചലനം മെന്റർഷിപ്പിന്റെ ഭാഗമായി വരകുന്ന് വനിതാ തൊഴിൽ പരിശീലനകേന്ദ്രത്തിൽ വെച്ച് എഡിഎസ് ഭരണ സമിതി അംഗങ്ങൾക്കുള്ള പരിശീലനം നടത്തി. ചടങ്ങ് നഗരസഭ ചെയർപേഴ്സൺ സുധകിഴക്കേപാട്ട് ഉദ്ഘാടനം ചെയ്തു. നഗരസഭാ ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ കെ ഷിജു അധ്യക്ഷത വഹിച്ചു.
ജില്ലാ മിഷൻ കോ ഓർഡിനേറ്റർ പി സി കവിത മുഖ്യ അതിഥിയായി. വികസനകാര്യ സ്റ്റാൻന്റിങ് കമ്മിറ്റി ചെയർപേഴ്സൺ കെ എ ഇന്ദിര, വിദ്യാഭ്യാസസ്റ്റാൻഡിങ് കമ്മിറ്റി ചെയർപേഴ്സൺ നിജില പറവക്കൊടി, കൗൺസിലർ വത്സരാജ് കേളോത്ത്, ബിന്ദു പി ബി, ഷീന.ടി. കെ,മെമ്പർ സെക്രട്ടറി രമിത വി എന്നിവർ ആശംസ അർപ്പിച്ചു സംസാരിച്ചു. സ്റ്റേറ്റ് മിഷൻ ട്രൈനേഴ്സ് സുഹാസിനി വിജയൻ, ബിജു മാക്സ്, ഷീല വേണുഗോപാൽ എന്നിവരും ചടങ്ങിൽ സംസാരിച്ചു. സി ഡി എസ് ചെയർപേഴ്സൺ വിബിന കെ കെ സ്വാഗതവും വൈസ് ചെയർപേഴ്സൺ സുധിന കെ നന്ദിയും പറഞ്ഞു.
