കൊയിലാണ്ടി നഗരസഭകുടുംബശ്രീ സിഡിഎസ് കർക്കിടക ഫെസ്റ്റ് ആരംഭിച്ചു

• പരിപാടി നഗരസഭ ക്ഷേമകാര്യ സ്റ്റാൻഡിംഗ് കമ്മിറ്റി ചെയർമാൻ കെ. ഷിജു ഉദ്ഘാടനം ചെയ്തു‌

കൊയിലാണ്ടി: കോഴിക്കോട് ജില്ലാ മിഷന്റെ നേതൃത്വത്തിൽ കൊയിലാണ്ടി നഗരസഭകുടുംബശ്രീ സിഡിഎസ് കർക്കിടക ഫെസ്റ്റ് ആരംഭിച്ചു. 29, 30 31 തീയതികളിൽ കൊയിലാണ്ടി നഗരസഭ ടൗണിൽ വച്ചാണ് ഫെസ്റ്റ് നടത്തുന്നത്.പരിപാടി നഗരസഭ ക്ഷേമകാര്യ സ്റ്റാൻഡിംഗ് കമ്മിറ്റി ചെയർമാൻ കെ. ഷിജു ഉദ്ഘാടനം ചെയ്തു‌.

പൊതുജനങ്ങൾക്ക് ആരോഗ്യകരമായ ഭക്ഷണം ലഭ്യമാക്കുക, കുടുംബശ്രീയുടെ പോഷക ഗുണമേൻമയുള്ള ഉത്പന്നങ്ങൾക്ക് വിപണി കണ്ടെത്തുക, സംരംഭകർക്ക് വരുമാന മാർഗം സൃഷ്ടിക്കുക എന്നിവയാണ് ഫെസ്റ്റിന്റെ ലക്ഷ്യം. ചടങ്ങിന് സൗത്ത് സി.ഡി.എസ് ചെയർപേഴ്‌സൺ വിപിന കെ.കെ അധ്യക്ഷത വഹിച്ചു. ഉപസമിതി കൺവീനർ നസ്‌നി, മെൻറ്റർ ഷീല എന്നിവർ ആശംസകൾ അർപ്പിച്ച് സംസാരിച്ചു. വൈസ് ചെയർപേഴ്സൺ സുദിന സ്വാഗതവും ഉപജീവനസമിതി കൺവീനർ ഷീജ നന്ദിയും പറഞ്ഞു.