കോഴിക്കോട് ബസ് സ്റ്റാന്റിൽ വൻ കഞ്ചാവ് വേട്ട; പിടിച്ചെടുത്തത് 20 കിലോ കഞ്ചാവ്

• രണ്ടുപേർ പിടിയിൽ

കോഴിക്കോട്:കോഴിക്കോട് പുതിയ ബസ് സ്റ്റാൻഡിൽവെച്ച് വലിയതോതിൽ കഞ്ചാവ് പിടികൂടി. എറണാകുളം സ്വദേശിയായ ഷാജി (31), ബംഗാൾ സ്വദേശിയായ നോമിനുൽ മാലിത (28) എന്നിവരിൽ നിന്നാണ് ഡാൻസാഫ് സ്ക്വാഡ് കഞ്ചാവ് പിടിച്ചെടുത്തത്.

ഒഡീഷയിൽ നിന്ന് ബംഗളുരുവിലും ഇവിടെ നിന്ന് കോഴിക്കോട് വഴി പെരുമ്പാവൂരിലേക്ക് കൊണ്ടുപോകുകയായിരുന്നു കഞ്ചാവ്. എറണാകുളം ഭാഗത്തേയ്ക്ക് പോകാനുള്ള തയ്യാറെടുപ്പിലാണ് പ്രതികൾ പിടിയിലായത്.