കോഴിക്കോട് ബീച്ച് റോഡിൽ ബൈക്കുകൾ കൂട്ടിയിടിച്ചു അപകടം; യുവാക്കൾക്ക് ദാരുണാന്ത്യം

• 2 പേരുടെ നില ഗുരുതരം

കോഴിക്കോട്: ബീച്ച് റോഡിൽ ബൈക്കുകൾ കൂട്ടിയിടിച്ച് രണ്ട് യുവാക്കൾ മരിച്ചു. കണ്ണൂർ സ്വദേശി മർവാൻ, കോഴിക്കോട് കക്കോടി സ്വദേശി ജുബൈദ് എന്നിവരാണ് മരിച്ചത്. ഗുരുതരമായി പരുക്കേറ്റ മറ്റു രണ്ടു പേരെ കോഴിക്കോട് മെഡിക്കൽ കോളജ് ആശുപത്രിയിൽ പ്രവേശിപ്പിച്ചു.

സൗത്ത് ബീച്ച് പെട്രോൾ പമ്പിനു സമീപത്ത് ഇന്ന് പുലർച്ചെ മൂന്നുമണിയോടെയാണ് അപകടമുണ്ടായത്. ഇരുവശത്തു നിന്നും മുഖാമുഖം വന്ന ബെക്കുകൾ അമിതവേഗതയിലാണ് എത്തിയതെന്നാണ് നാട്ടുകാർ പറയുന്നത്.