കോഴിക്കോട് മെഡിക്കൽ കോളേജിൽ രോഗി ആത്മഹത്യ ചെയ്തു
- മരിച്ചത് വാർഡിന്റെ ജനൽ തകർത്ത് താഴേക്ക് ചാടി
കോഴിക്കോട്:കോഴിക്കോട് മെഡിക്കൽ കോളേജിൽ വാർഡിന്റെ ജനൽ തകർത്ത് താഴേക്ക് ചാടി രോഗി ആത്മഹത്യ ചെയ്തു. മരിച്ചത് തലശ്ശേരി സ്വദേശി അസ്കർ ആണ്.പുലർച്ചെ ഒരു മണിയോടെയായിരുന്നു സംഭവം. പാൻക്രിയാസ് സംബന്ധമായ അസുഖത്തിന് ചികിത്സയിലായിരുന്നു ഇയാൾ.
ഇയാളെ 12-ാം തിയ്യതിയാണ് ചികിത്സയിൽ പ്രവേശിപ്പിച്ചത്. ഒമ്പതാം വാർഡിലായിരുന്നു ഇദ്ദേഹം. പുലർച്ചെ 31-ാം വാർഡിലെത്തി ജനൽ ചില്ല് തകർത്ത് താഴേക്ക് ചാടുകയായിരുന്നു. ആശുപത്രിയിലുള്ളവർ ഉടൻതന്നെ ഇയാളെ കാഷ്വാലിറ്റിയിലെത്തിച്ചെങ്കിലും മരണം സംഭവിക്കുകയായിരുന്നു. ആത്മഹത്യയുടെ കാരണം വ്യക്തമായിട്ടില്ല. പൊലീസ് അന്വേഷണം പുരോഗമിക്കുകയാണ്.
CATEGORIES News
