ചെറിയ കുമ്പളത്ത് പേപ്പട്ടി ശല്യം രൂക്ഷം

• മൂന്നു പേരെ കടിച്ചു

കുറ്റ്യാടി: ചെറിയകുമ്പളം കൈതേരി മുക്കിൽ മൂന്ന് സ്ത്രീകളെ പേപ്പട്ടി കടിച്ചു. ഇന്നലെ വൈകീട്ടാണ് മന്നലക്കണ്ടി മോളി (50), പരവന്റെ കോവുമ്മൽ ശോഭ (50), കണ്ണോത്ത് പത്മിനി (54)എന്നിവരെ നായ കടിച്ചത്.

മൂവരെയും കുറ്റ്യാടി ഗവ. ആശുപത്രിയിലെത്തിച്ച് പ്രാഥമിക ചികിത്സ നൽകി. പേവിഷബാധക്കുള്ള കുത്തിവെപ്പിന് മരുന്നില്ലാത്തതിനാൽ മൂവരെയും വടകര ഗവ. ആശുപ്രതിയിലേക്ക് മാറ്റി.