ജീവനക്കാരിയോട് മോശമായി പെരുമാറിയ ജുഡീഷ്യൽ ഓഫീസർക്കെതിരെ നടപടി

• കോഴിക്കോട് അഡീഷണൽ ജില്ലാ ജഡ്‌ജി എം സുഹൈബിനെതിരെയാണ് നടപടി

കോഴിക്കോട്: കോടതി ജീവനക്കാരിയോട് മോശമായി പെരുമാറിയ ജുഡീഷ്യൽ ഓഫീസർക്കെതിരെ നടപടി. ജുഡീഷ്യൽ ഓഫീസറെ സസ്പെൻഡ് ചെയ്തു. കോഴിക്കോട് അഡീഷണൽ ജില്ലാ ജഡ്‌ജി എം സുഹൈബിനെതിരെയാണ് നടപടി.

ജഡ്‌ജിയുടെ ചേംബറിൽ വെച്ച് സ്ത്രീത്വത്തെ അപമാനിച്ചു എന്നാണ് പരാതി. ജുഡീഷ്യൽ ഓഫീസറെ സംഭവത്തിൽ നേരത്തെ അഡീഷണൽ ജില്ലാ ജഡ്‌ജിയെ വടകരയിലേക്ക് സ്ഥലം മാറ്റിയിരുന്നു. ഇതിന് പിന്നാലെയാണ് സസ്പെൻഡ് ചെയ്‌തുകൊണ്ട് ഉത്തരവിറക്കിയത്‌. ഹൈക്കോടതി ചീഫ് ജസ്റ്റിസിന്റെ അധ്യക്ഷതയിൽ ഇന്ന് അടിയന്തര യോഗം ചേർന്ന ഹൈക്കോടതി അഡ്‌മിനിസ്ട്രേറ്റീവ്കമ്മിറ്റിയാണ് സുഹൈബിനെ സസ്പെൻഡ് ചെയ്യാൻ തീരുമാനിച്ചത്