ഡൽഹിയിൽ നാല് സ്കൂളുകൾക്ക് നേരെ വീണ്ടും ബോംബ് ഭീഷണി

• അന്വേഷണം നടത്താൻ ഡൽഹി പൊലീസ് നിർദേശം നൽകി

ന്യൂഡൽഹി: ഡൽഹിയിൽ നാല് സ്കൂളുകൾക്ക് നേരെ വീണ്ടും ബോംബ് ഭീഷണി. മയൂർവിഹാറിലെ സൽവാൻ പബ്ലിക് സ്കൂൾ, ശ്രീ നിവാസ് പുരിയിലെ കേംബ്രിഡ്‌ജ് സ്കൂൾ, ഈസ്റ്റ് കൈലാശിലെ ഡൽഹി പബ്ലിക് സ്കൂൾ തുടങ്ങിയ സ്‌കൂളുകളിലേക്കാണ് ഭീഷണി സന്ദേശം ലഭിച്ചത്.

ഇന്ന് പുലർച്ചെയോടെ ഫോണിലൂടെയും ഇമെയ്ൽ വഴിയുമാണ് ഭീഷണി സന്ദേശം ലഭിച്ചതെന്ന് ഡൽഹി പൊലീസ് അറിയിച്ചു. പൊലീസ്, അഗ്‌നിശമനസേന ഉദ്യോഗസ്ഥർ, ബോംബ് സ്ക്വാഡ്, ഡോഗ് സ്ക്വാഡ് തുടങ്ങിയവർ സ്‌കൂളുകളിൽ എത്തി പരിശോധന നടത്തി. സംഭവത്തെ കുറിച്ച് അന്വേഷണം നടത്താൻ ഡൽഹി പൊലീസ് നിർദേശം നൽകി.