തൊഴിലിടങ്ങളിലെ സ്ത്രീസുരക്ഷ; കെഎസ് ടി എ ജില്ലാ സെമിനാർ
- അന്ന സെബാസ്റ്റിന് അനുശോചനം രേഖപ്പെടുത്തി കൊണ്ടാണ് സെമിനാർ ആരംഭിച്ചത്
കോഴിക്കോട് : തൊഴിലിടങ്ങളിലെ സ്ത്രീ സുരക്ഷ എന്ന വിഷയത്തെ അടിസ്ഥാനമാക്കി കെഎസ്ടിഎ കോഴിക്കോട് ജില്ലാ കമ്മിറ്റിയുടെ നേതൃത്വത്തിൽ ജില്ലാ സെമിനാർ സംഘടിപ്പിച്ചു.
തൊഴിലിടത്തിൽ അമിത ജോലിഭാരം കാരണം അന്തരിച്ച അന്ന സെബാസ്റ്റിന് അനുശോചനം രേഖപ്പെടുത്തി കൊണ്ടാണ് സെമിനാർ ആരംഭിച്ചത്. കോഴിക്കോട് കോർപ്പറേഷൻ ആരോഗ്യ സ്റ്റാൻഡിങ് കമ്മിറ്റി ചെയർപേഴ്സൺ ഡോ. എസ്. ജയശ്രീ സെമിനാർ ഉദ്ഘാടനം ചെയ്തു.
തൊഴിലിടങ്ങളിൽ സ്ത്രീകൾ അഭിമുഖീകരിക്കുന്ന അരക്ഷിതാവസ്ഥയും പൊതുസമൂഹം ഈ വിഷയത്തിൽ പുലർത്തേണ്ട ജാഗ്രതയും സംബന്ധിച്ച കാര്യങ്ങൾ സെമിനാറിൽ വിഷയം അവതരിപ്പിച്ചുകൊണ്ട് അഡ്വ. പി എം ആതിര സംസാരിച്ചു.
ജില്ലാ പ്രസിഡണ്ട് എൻ സന്തോഷ് കുമാർ അധ്യക്ഷനായി. സംസ്ഥാന എക്സിക്യൂട്ടീവ് കമ്മിറ്റി അംഗങ്ങളായ വി പി രാജീവൻ, പി എസ് സ്മിജ,കെ ഷാജിമ, സംസ്ഥാന കമ്മിറ്റി അംഗങ്ങളായ സി സതീശൻ, സജീഷ് നാരായണൻ, വി പി മനോജ്,ജില്ലാ സെക്രട്ടറി ആർ. എം രാജൻ എന്നിവർ സംസാരിച്ചു. ജില്ലാ വനിതാവേദി കൺവീനർ എം. ഷീജ സ്വാഗതവും ജില്ലാ ജോ:സെക്രട്ടറി സജില.പി.കെ നന്ദിയും പറഞ്ഞു.
