ദീപാവലി തിരക്ക്; കേരളത്തിലേയ്ക്ക് പ്രത്യേക സർവീസുമായി കർണാടക ആർടിസി

• ഈ മാസം 31 മുതൽ നവംബർ 2 വരെയാണ് പ്രത്യേക സർവീസുകൾ

ബംഗളൂരു:ദീപാവലി യാത്രാത്തിരക്ക് പരിഹരിക്കാൻ കേരളത്തിലേക്കുൾപ്പെടെ കർണാടക ആർടിസിയുടെ പ്രത്യേക ബസ് സർവീസുകൾ നടത്തും. പ്രത്യേക സർവീസുകൾ ഈ മാസം 31 മുതൽ നവംബർ 2 വരെയാണ്. വിവിധ ഇടങ്ങളിലേക്കായി 2000 ബസുകളാണ് സർവീസ് നടത്തുക.

കേരളത്തിൽ പാലക്കാട്, തൃശൂർ, എറണാകുളം, കോഴിക്കോട് ജില്ലകളിലേയ്ക്കാണ് കർണാടക ആർടിസി ബസുകൾ സർവീസ് നടത്തുന്നത്. ശാന്തിനഗർ ഡിപ്പോയിൽ നിന്നാണ് കേരളത്തിലേയ്ക്കുള്ള ബസുകൾ സർവീസ് ആരംഭിക്കുക. കൂടാതെ സീറ്റ് റിസർവേഷനു കൂടുതൽ സൗകര്യമൊരുക്കുകയും ചെയ്യും. മധുര, കുംഭകോണം, ചെന്നൈ, കോയമ്പത്തൂർ, തിരുച്ചിറപ്പള്ളി എന്നിവിടങ്ങളിലേയ്ക്കും സർവീസുണ്ട്.