പാൽ അണുഗുണ സൂചിക:മിൽമ മലബാർ യൂണിയൻ രാജ്യത്ത് മികച്ചത്

• പാ​ലി​ലുള്ള സൂ​ക്ഷ്മാ​ണു​ക്ക​ളെ പ​രി​ശോ​ധ​നാ വി​ധേ​യ​മാ​ക്കി കേ​ന്ദ്ര മൃ​ഗസം​ര​ക്ഷ​ണ മ​ന്ത്രാ​ല​യം നൽകിവരുന്ന അം​ഗീ​കാ​രമാണ് മിൽ മ​ല​ബാ​ർ മേ​ഖ​ല യൂ​ണി​യ​ന് ലഭിച്ചത്.

കോ​ഴി​ക്കോ​ട്: കോഴിക്കോട് വീണ്ടും ദേശീയ അംഗീകാരം. ഇത്തവണ പാ​ലി​ന്റെ അണു ഗു​ണ​നി​ല​വാ​ര​ത്തി​ൽ ഇ​ന്ത്യക്ക് അഭിമാനമാവുകയാണ് മി​ൽ​മ മ​ല​ബാ​ർ മേ​ഖ​ല യൂ​ണി​യ​ൻ. പാ​ലി​ലെ സൂ​ക്ഷ്മാ​ണു​ക്ക​ളെ പ​രി​ശോ​ധ​നാ വി​ധേ​യ​മാ​ക്കി കേ​ന്ദ്ര മൃ​ഗസം​ര​ക്ഷ​ണ മ​ന്ത്രാ​ല​യം ന​ൽ​കു​ന്ന അം​ഗീ​കാ​രമാണ് മ​ല​ബാ​ർ മേ​ഖ​ല യൂ​ണി​യ​ന് ല​ഭി​ച്ച​ത്. ഇതിൽ രാ​ജ്യ​ത്തു​ത​ന്നെ ഒ​ന്നാ​മ​താ​ണ് മ​ല​ബാ​ർ യൂണിയൻ. പാ​ലി​ന്റെ അ​ണു​ഗു​ണ നി​ല​വാ​രം മെ​ച്ച​പ്പെ​ടു​ന്ന​ത് ക്ഷീ​ര ക​ർ​ഷ​ക​ർ​ക്കും സം​ഘ​ങ്ങ​ൾ​ക്കും ഉ​പ​ഭോ​ക്താ​ക്ക​ൾ​ക്കും ഒരു​പോ​ലെ ഗു​ണ​ക​ര​മാ​കു​ന്ന​താ​ണ്.

പ​ശു​വി​ൻ പാ​ലി​ൽ കേ​ടാ​ക്കു​ന്ന​തും അല്ലാത്തതുമായ രണ്ടുതരം സൂക്ഷ്മാണുക്കളുണ്ട്. കേടാക്കുന്ന സൂക്ഷ്മാണുക്കൾ നന്നേ കുറവുള്ള പാലിനെയാണ് അണുഗുണ നിലവാരത്തിൽ മികച്ചതായി കണക്കാക്കുന്നത്. എം.ബി. ആർ. പരിശോധനയിലൂടെയാണ് (മിഥൈലൻ ബ്ലൂ റിഡക്ഷൻ ടെസ്റ്റ്) ഇതു കണ്ടെത്തുന്നത്. കേടാക്കുന്ന സൂക്ഷ്മാണുക്കളുടെ എണ്ണം/അളവ് ആണ് പാലിൻ്റെ സംഭരണ/സൂക്ഷിപ്പ് കാലാവധി നിർണയിക്കുന്നത്.

നിലവിൽ മലബാർ മേഖലക്കു കീഴിലുള്ള കോഴിക്കോട് ജില്ലയിലെ പാലിന് 230. മിനിറ്റ് ആണ് സംഭരണ/സൂക്ഷിപ്പ് കാലാവധി. അഞ്ചു മണിക്കൂറിനു മുകളിൽപോലും (300 മിനിറ്റ്) പാൽ പുറത്തുവെച്ചാൽ കേടുകൂടാതെ സൂക്ഷിക്കാൻ കഴിയുന്ന അവസ്ഥയിലേക്ക് അണുഗുണമേന്മ എത്തിക്കാനുള്ള ശ്രമത്തിലാണ് യൂണിയൻ.
മിൽമയുടെ നേതൃത്വത്തിൽ കർഷകർക്ക് ബോധവത്കരണ ക്ലാസുകളും കന്നുകാലികൾക്കുള്ള പരിചരണവും കൃത്യവും നിർബന്ധവുമാക്കുകയും ജില്ലയിൽ 37 പ്രാഥമിക ക്ഷീര സംഘങ്ങളിൽ ബൾക്ക് മിൽക്ക് ബൂത്ത് കൂളറുകൾ സ്ഥാപിച്ചതും വലിയ മാറ്റത്തിനിടയാക്കി. 1,10,000 ലിറ്റർ പാൽ തണുപ്പിക്കാൻ ശേഷിയുള്ള കൂളറുകളാണ് ഇവ. പാൽ കേടുവരുത്തുന്ന സൂക്ഷ്മാണുക്കളെ നശിപ്പിക്കാൻ കൂളറുകൾക്ക് കഴിയുന്നു. 10 സംഘങ്ങൾ ഐ.എസ്.ഒ. നിലവാരം ഉറപ്പുവരുത്തുന്ന ലാബുകളുമുണ്ട്.

തൊഴുത്തിന്റെ ശുചിത്വം, കറവക്കാരന്റെ ശുചിത്വം, പാൽ അരിച്ചുകൊണ്ടുവരുക, കറവയുടെ തൊട്ടുമുമ്പ് പശുവിനെ കുളിപ്പിക്കാതിരിക്കുക, എന്നിവക്കെല്ലാം പ്രാധാന്യം കൊടുത്തത് കാര്യക്ഷമത വർധിപ്പിച്ചു. കറവയുടെ സമയത്ത് പൊടിത്തീറ്റ നൽകാതിരിക്കുക എന്നിങ്ങനെ ചെറിയ കാര്യങ്ങളിൽപോലും വലിയ ശ്രദ്ധവെക്കാനുള്ള നിർദ്ദേശവും നൽകി. കൊണ്ടുവരുന്ന സമയത്തു തന്നെ പരിശോധന നടത്തി പാലെടുക്കുന്ന സംവിധാനവും കർശനമാക്കിയത് വലിയ മാറ്റങ്ങളാണ് ഉണ്ടാക്കിയത്.

പാലിൽ ഗുണനില വാരമില്ലെന്നു തോന്നിയാൽ പാൽ തിരിച്ചയക്കുന്ന രീതിയിലേക്ക് സംഘങ്ങൾ മാറി. രണ്ടു കറവ തമ്മിലെ ഇടവേള 12 – മണിക്കൂർ എന്ന രീതിയിൽ സംഘങ്ങളിലെ പാൽശേഖരണം ക്രമീകരിച്ചു. പശുക്കൾ ഭക്ഷണം കഴിച്ചുകഴിഞ്ഞ് തികട്ടിയരക്കാനുള്ള സമയവും കൂടി കൊടുത്താലേ ഗുണനിലവാരമുള്ള പാൽ കിട്ടുകയുള്ളൂ വെന്നതിനാൽ കർഷകർ കറവയുടെ സമയവും ക്രമീകരിച്ചതോടെയാണ് ഗുണനിലവാരം കൂടിയത്.