പ്രതിഭകൾക്ക് സ്വീകരണം നൽകി പൂക്കാട് മർക്കസ് പബ്ലിക് സ്കൂൾ
- മീറ്റിൽ വിജയികളായ മുഴുവൻ വിദ്യാർത്ഥികൾക്കും മർക്കസ് സ്കൂൾ വിദ്യാർത്ഥികൾ മെഡലുകൾ സമ്മാനിച്ചു
പൂക്കാട്: ഭിന്നശേഷി വിദ്യാർഥികൾക്കായുള്ള സംസ്ഥാന അത്‌ലറ്റിക് മീറ്റിൽ മികച്ച പ്രകടനം കാഴ്ചവച്ച അഭയം സ്പെഷ്യൽ സ്കൂളിലെ വിദ്യാർഥികൾക്ക് പൂക്കാട് മർക്കസ് പബ്ലിക് സ്കൂളിലെ വിദ്യാർത്ഥികൾ സ്വീകരണം നൽകി.വിജയത്തിന് പരിമിതികൾ തടസ്സമല്ലെന്ന തിരിച്ചറിവ് കുട്ടികൾക്ക് പകരാൻ ഈ ഒത്തുചേരൽ സഹായിച്ചെന്ന് കുട്ടികൾ പറഞ്ഞു.
സ്പെഷ്യൽ സ്കൂൾ വിദ്യാർത്ഥികൾക്കായുള്ള കേരള അത്‌ലറ്റിക് മീറ്റിൽ വിജയികളായ മുഴുവൻ വിദ്യാർത്ഥികൾക്കും മർക്കസ് സ്കൂൾ വിദ്യാർത്ഥികൾ മെഡലുകൾ സമ്മാനിച്ചു.സ്കൂൾ അഡ്മിനിസ്ട്രേറ്റീവ് ഓഫീസർ കെ ഷറഫുദ്ദീന്റെ അധ്യക്ഷതയിൽ
എസ് വൈ എസ് ചേമഞ്ചേരി സർക്കിൾ പ്രസിഡന്റ് നിയാസ് വെങ്ങളം പരിപാടി ഉദ്ഘാടനം ചെയ്തു. ഷമീർ കാപ്പാട് ആശംസകൾ അറിയിച്ചു. അഭയം ജനറൽ സെക്രട്ടറി സത്യനാഥൻ മാടഞ്ചേരി,ഷമീർ കാപ്പാട്, ആസിഫ് അലി സഖാഫി, എംപിഎസ് പ്രിൻസിപ്പൽ ബിജുല തുടങ്ങിയവർ പ്രസംഗിച്ചു.അഭയം സ്കൂളിനുള്ള ഉപഹാരം എംപിഎസ് പ്രിൻസിപ്പൽ ബിജുല അഭയം സ്പെഷ്യൽ സ്കൂൾ പ്രിൻസിപ്പൽ ടി ആർ ബിതക്ക് കൈമാറി.കുഞ്ഞഹമ്മദ്, സുനീർ സഖാഫി, അബ്ദുൽ അസീസ് ഹാറൂനി തുടങ്ങിയവർ സംബന്ധിച്ചു. അജ്മൽ സ്വാഗതവും മുഹ്‌സിൻ നന്ദിയും
നന്ദിയും പറഞ്ഞു.
