പ്രവാസികൾക്ക് ആശ്വാസം ; ഇന്ത്യ – യുഎഇ വിമാനനിരക്ക് 20% കുറയും
- ഇരു രാജ്യങ്ങൾക്കുമിടയിലെ സർവീസ് ഇരട്ടിയാകുന്നതോടെ ചാർജ് കുറയ്ക്കാൻ വിമാനക്കമ്പനികൾ നിർബന്ധിതമാകുമെന്ന് ഇന്ത്യയിലെ യുഎഇ സ്‌ഥാനപതി അബ്ദുൽ നാസർ ജമാൽ അൽഷാലി
അബുദാബി :ഇനി വരുന്ന അഞ്ച് വർഷത്തിനകം ഇന്ത്യ-യുഎഇ സെക്ടറിലെ വിമാന ടിക്കറ്റ് നിരക്ക് 20 ശതമാനം കുറയും. ഇരു രാജ്യങ്ങൾക്കുമിടയിലെ സർവീസ് ഇരട്ടിയാകുന്നതോടെ ചാർജ് കുറയ്ക്കാൻ വിമാനക്കമ്പനികൾ നിർബന്ധിതമാകുമെന്ന് ഇന്ത്യയിലെ യുഎഇ സ്‌ഥാനപതി അബ്ദുൽ നാസർ ജമാൽ അൽഷാലി പറഞ്ഞു.വ്യോമയാന മേഖലയിലെ ഉഭയകക്ഷി ബന്ധം ശക്തിപ്പെടുത്താൻ ഇന്ത്യയുമായി പുതിയ എയർ കണക്റ്റിവിറ്റി ക്രമീകരണം നിർദേശിച്ചിട്ടുണ്ട്.
ഇന്ത്യൻ വിമാനക്കമ്പനികൾ കൂടുതൽ സർവീസ് നടത്താൻ മുന്നോട്ടുവന്നാൽ നിരക്ക് വീണ്ടും കുറയും. ഇന്ത്യയുമായി പുതിയ പ്രതിരോധ സഹകരണവും യുഎഇ ലക്ഷ്യമിടുന്നുണ്ട്.
