ബിന്ദുവിന് കണ്ണീരോടെ വിട
- മൃതദേഹം വീട്ടുവളപ്പിൽ സംസ്‌കരിച്ചു.
കോട്ടയം:മെഡിക്കൽ കോളജ് ആശുപത്രി കെട്ടിടം തകർന്നുവീണ് മരിച്ച തലയോലപ്പറമ്പ് സ്വദേശിനി ബിന്ദുവിന് കണ്ണീരോടെ വിട. മൃതദേഹം വീട്ടുവളപ്പിൽ സംസ്‌കരിച്ചു. ഉറ്റവരും ഉടയവരുമടക്കം നിരവധിപേർ അന്ത്യോപചാരമർപ്പിക്കാൻ വീട്ടിലെത്തി.
കെ പി സി സി പ്രസിഡൻ്റ് സണ്ണി ജോസഫ്, ചാണ്ടി ഉമ്മൻ എം എൽ എ എന്നിവർ വീട്ടിലെത്തി ബിന്ദുവിന്റെ ഭർത്താവ് വിശ്രുതനെയും അമ്മ സീതാലക്ഷ്മിയേയും ആശ്വസിപ്പിച്ചു.
ശസ്ത്രക്കിയക്കായി മകൾ നവമിയുടെ കൂടെയാണ് ബിന്ദു കോട്ടയം മെഡിക്കൽ കോളജിൽ എത്തിയത്. ഇന്നലെ രാവിലെ കുളിക്കാനായി പോയപ്പോഴായിരുന്നു 14-ാം വാർഡിനടുത്ത കെട്ടിടം തകർന്ന് ബിന്ദു മരിച്ചത്.കെട്ടിടത്തിന്റെ മൂന്നാം നിലയിലെ ശുചിമുറിയിലായിരുന്നു ബിന്ദു ഉണ്ടായിരുന്നത്.രണ്ട് മണിക്കൂറോളം കെട്ടിടാവശിഷ്ട‌ത്തിൽ
കുടുങ്ങിക്കിടന്ന ബിന്ദു രക്ഷാപ്രവർത്തനം ആരംഭിച്ചപ്പോഴേക്കും മരിച്ചിരുന്നു.
CATEGORIES News
