മലപ്പുറം, കോഴിക്കോട് ജില്ലകളിൽ ജപ്പാൻ ജ്വരത്തിനുള്ള വാക്സിനേഷൻ ആരംഭിക്കാൻ ഉത്തരവിട്ട് ആരോഗ്യവകുപ്പ്

• ജപ്പാൻ ജ്വര കേസുകൾ മലപ്പുറം-കോഴിക്കോട് ജില്ലകളിൽ വർധിക്കുന്നത് പരിഗണിച്ചാണ് നടപടി

കോഴിക്കോട്: മലപ്പുറം, കോഴിക്കോട് ജില്ലകളിൽ കൂടി ജപ്പാൻ ജ്വരത്തിനുള്ള വാക്സിനേഷൻ ആരംഭിക്കാൻ ആരോഗ്യവകുപ്പ് ഉത്തരവിട്ടു. ജപ്പാൻ ജ്വര കേസുകൾ മലപ്പുറം-കോഴിക്കോട് ജില്ലകളിൽ വർധിക്കുന്നത് പരിഗണിച്ചാണ് നടപടി.

15 വയസുവരെയുള്ള കുട്ടികൾക്കാണ് വാക്‌സിനേഷൻ. കേന്ദ്ര ആരോഗ്യമന്ത്രാലയത്തിൻ്റെ നിർദേശം കൂടി പരിഗണിച്ചാണ് വാക്‌സിനേഷൻ. നേരത്തെ തിരുവനന്തപുരം-ആലപ്പുഴ ജില്ലകളിൽ ജപ്പാൻ ജ്വരത്തിന്റെ വാക്‌സിനേഷൻ ആരംഭിച്ചിരുന്നു.