മുളകുപൊടിയിൽ മായം ; പതഞ്ജലി ഉൽപ്പന്നം തിരിച്ചു വിളിച്ചു

• പായ്ക്ക് ചെയ്ത്‌ത നാല് ടൺ ചുവന്ന മുളകുപൊടിയാണ് തിരിച്ചുവിളിച്ചത്

ന്യൂഡൽഹി : ഭക്ഷ്യസുരക്ഷാ മാനദണ്ഡങ്ങൾ പാലിക്കാതെ നിർമ്മിച്ച പതഞ്ജലിയുടെ മുളക്പൊടി വിപണികളിൽ നിന്ന് തിരിച്ചുവിളിക്കാൻ ആവശ്യപ്പെട്ട് നിർദ്ദേശം. ഫുഡ് സേഫ്റ്റി ആൻഡ് സ്റ്റാൻഡേർഡ്‌സ് അതോറിറ്റി ഓഫ് ഇന്ത്യയുടെ പരിശോധനയിൽ കീടനാശിനി അവശിഷ്ട‌ത്തിൻ്റെ അമിത സാന്നിധ്യം കണ്ടതിനെതുടർന്നാണ് നടപടി എടുത്തത് . AJD2400012 എന്ന ബാച്ചിൻ്റെ മുഴുവൻ ഉത്പന്നങ്ങളുമാണ് നിലവിൽ തിരിച്ചുവിളിച്ചിരിക്കുന്നത്. പായ്ക്ക് ചെയ്ത്‌ത നാല് ടൺ ചുവന്ന മുളകുപൊടിയാണ് തിരിച്ചുവിളിച്ചത്.

ഉൽപ്പന്നത്തിന്റെ സാമ്പിൾ പരിശോധിച്ചപ്പോൾ കീടനാശിനികളുടെ അവശിഷ്ടത്തിന്റെ അളവ് അനുവദനീയമായതിൽ കൂടുതൽ കണ്ടെത്തിയതിനെതുടർന്നാണ് നടപടി.മുളകുപൊടി വിതരണം ചെയ്തവരെ അറിയിക്കാൻ നടപടികൾ സ്വീകരിച്ചിട്ടുണ്ടെന്നും ഉൽപ്പന്നം വാങ്ങിയ ഉപഭോക്താക്കളിലേക്ക് എത്തിച്ചേരുന്നതിനായി പരസ്യങ്ങൾ പുറത്തിറക്കിയിട്ടുണ്ടെന്നും കമ്പനി സിഇഒ സഞ്ജീവ് അസ്താന പറഞ്ഞു. ഉൽപ്പന്നം വാങ്ങിയ സ്ഥലത്ത് തിരികെ നൽകാനും മുഴുവൻ റീ ഫണ്ടും അവകാശപ്പെടാനും അദ്ദേഹം ഉപഭോക്താക്കളോട് പറഞ്ഞു.