റേഷൻ കമ്മിഷൻ 14.35 കോടി അനുവദിച്ചു

• തുക വ്യാപാരികൾക്കു വിതരണം ചെയ്യാനുള്ള നടപടിക്രമങ്ങൾ പൂർത്തിയാക്കാൻ രണ്ടാഴ്‌ചയോളം വേണ്ടി വരും

തിരുവനന്തപുരം:ഓഗസ്‌റ്റ് മാസത്തെ കമ്മിഷൻ സംസ്ഥാനത്തെ പതിനാലായിരത്തോളം റേഷൻ വ്യാപാരികൾക്ക് നൽകാനുള്ള സംസ്‌ഥാനവിഹിതമായ 14.35 കോടി രൂപ ധനവകുപ്പ് അനുവദിച്ചു.നേരത്തേ തന്നെ ഇതിനുള്ള കേന്ദ്രവിഹിതം ലഭിച്ചിരുന്നു.

വ്യാപാരികൾക്കു തുക വിതരണം ചെയ്യാനുള്ള നടപടിക്രമങ്ങൾ പൂർത്തിയാക്കാൻ രണ്ടാഴ്‌ചയോളം വേണ്ടി വരും. ഒക്ടോബറിലെ റേഷൻ വിതരണം ആരംഭിച്ച സാഹചര്യത്തിലും കമ്മിഷൻ കുടിശിക ലഭിക്കാത്തതിനെക്കുറിച്ചു വ്യാപാരി സംഘടനകൾ പരാതികളും നിവേദനങ്ങളും നൽകിയതിനെയും തുടർന്നാണ് ഓഗസ്‌റ്റിലെ കമ്മിഷൻ അനുവദിച്ചത്. റേഷൻ വ്യാപാരികൾക്കു ഓണക്കാലത്ത് സർക്കാർ പ്രഖ്യാപിച്ച 1000 രൂപ ഉത്സവബത്തയും അനുവദിക്കാനുണ്ട്.