ലഹരിക്കെതിരെ മനുഷ്യച്ചങ്ങല തീർത്തു

• ചെങ്ങോട്ടുകാവ് ഗ്രാമപഞ്ചായത്ത് പ്രസിഡന്റ് ഷീബ മലയിൽ ഉദ്ഘാടനം ചെയ്തു

കൊയിലാണ്ടി: എളാട്ടേരി അരുൺ ലൈബ്രറിയുടെ നേതൃത്വത്തിൽ ലഹരിക്കെതിരെ മനുഷ്യച്ചങ്ങല തീർത്തു. ചെങ്ങോട്ടുകാവ് ഗ്രാമപഞ്ചായത്ത് പ്രസിഡന്റ് ഷീബ മലയിൽ ഉദ്ഘാടനം ചെയ്തു. ചടങ്ങിന് ലൈബ്രറി പ്രസിഡന്റ് എൻ.എം. നാരായണൻ അധ്യക്ഷത വഹിച്ചു. പഞ്ചായത്ത് വൈസ് പ്രസിഡന്റ് പി.വേണു പ്രതിജ്ഞ ചൊല്ലി കൊടുത്തു.

ആരോഗ്യ- വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്സൺ ബിന്ദു മുതിരക്കണ്ടത്തിൽ, പഞ്ചായത്ത് അംഗം ജ്യോതി നളിനം, ലൈബ്രറി സെക്രട്ടറി ഇ. നാരായണൻ, സിഡിഎസ് ചെയർപേഴ്സൺ പ്രനീത, പി. ചത്തപ്പൻ. എം .യു . ഗംഗാധരൻ, കെ .ജയന്തി, കെ. ധനീഷ് ,എൻ .കെ . ഷാജീവൻ, എ.സുരേഷ്, ടി.എം. ഷീജ എന്നിവർ സംസാരിച്ചു.