‘വിടുതലൈ 2’ ഒടിടിയിലെത്തി

• വെട്രിമാരൻ സംവിധാനം ചെയ്‌ത ചിത്രത്തിൽ മഞ്ജു വാരിയരാണ് നായിക

വിജയ് സേതുപതി നായകനായെത്തിയ തമിഴ് ചിത്രം വിടുതലൈ 2 ഒടിടിയിൽ സ്ട്രീമിംഗ് ആരംഭിച്ചു. വെട്രിമാരൻ സംവിധാനം ചെയ്‌ത ചിത്രത്തിന്റെ തിയറ്റർ റിലീസ് 2024 ഡിസംബർ 20 ന് ആയിരുന്നു. പിരീഡ് പൊളിറ്റിക്കൽ ക്രൈം ത്രില്ലർ വിഭാഗത്തിൽ പെടുന്ന ചിത്രമാണിത്. 2023 ൽ പുറത്തെത്തിയ വിടുതലൈ 1 ന്റെ സീക്വലും. മഞ്ജു വാര്യർ ആണ് ചിത്രത്തിലെ നായിക. ഒരു മാസത്തിന് ശേഷമാണ് പാർട്ട് 2 ഒടിടിയിൽ എത്തിയിരിക്കുന്നത്.

പ്രമുഖ ഒടിടി പ്ലാറ്റ്ഫോം ആയ ആമസോൺ പ്രൈം വീഡിയോയിലൂടെയാണ് ചിത്രം പ്രദർശനം ആരംഭിച്ചിരിക്കുന്നത്. തമിഴിനൊപ്പം തെലുങ്കിലും ചിത്രം കാണാനാവും. ചിത്രത്തിന്റെ ആദ്യ ഭാഗം 60 കോടിയും രണ്ടാം ഭാഗം 64 കോടിയും കളക്റ്റ് ചെയ്തു.