വി അൻവറിന് സ്വാഗതമോതി കോഴിക്കോട് ബേപ്പൂരിൽ ഫ്ളക്സ് ബോർഡുകൾ

• നിയമസഭാ തിരഞ്ഞെടുപ്പിൽ മന്ത്രി പി എ മുഹമ്മദ് റിയാസിനെതിരെ അൻവർ ബേപ്പൂരിൽ മത്സരിക്കണമെന്നാണ് യുഡിഎഫ് പ്രവർത്തകരുടെ ആവശ്യം.

കോഴിക്കോട് : യുഡിഎഫ് അസോസിയേറ്റ് അംഗമാക്കിയതിന് പിറകെ പി വി അൻവറിന് സ്വാഗതമോതി കോഴിക്കോട് ബേപ്പൂരിൽ ഫ്ളക്സ് ബോർഡുകൾ. നിയമസഭാ തിരഞ്ഞെടുപ്പിൽ മന്ത്രി പി എ മുഹമ്മദ് റിയാസിനെതിരെ അൻവർ ബേപ്പൂരിൽ മത്സരിക്കണമെന്നാണ് യുഡിഎഫ് പ്രവർത്തകരുടെ ആവശ്യം. മുൻ നിലമ്പൂർ എംഎൽഎ പി വി അൻവറിനെ അസോസിയേറ്റ് അംഗമാക്കാൻ യുഡിഎഫ് ഏകോപന സമിതി യോഗം തീരുമാനമെടുത്തതിന് പിറകെയാണ് വിവിധ ഇടങ്ങളിൽ ഫ്ളക്സ് ബോർഡുകളിൽ പ്രത്യക്ഷപ്പെട്ടത്.

ബേപ്പൂർ ബസ് സ്റ്റാൻഡിന് സമീപത്തും പാർക്കിനോട് ചേർന്നും ബോർഡുകൾ പ്രത്യക്ഷപ്പെട്ടു. പി വി അൻവറിന് ബേപ്പൂരിന്റെ മണ്ണിലേക്ക് സ്വാഗതം എന്നാണ് ബോർഡുകളിൽ എഴുതിയിരിക്കുന്നത്.