വേനൽ ചൂടിൽ മഴയ്ക്ക് സാധ്യതയെന്ന് കാലാവസ്ഥ വകുപ്പ്
- മെയ് 1,2തീയതികളിൽ കോഴിക്കോട് മഴയ്ക്ക് സാധ്യതയെന്ന് കാലാവസ്ഥ വകുപ്പ്
- ശരീരത്തിൽ നേരിട്ട് വെയിലേൽക്കുന്ന സാഹചര്യം ഒഴിവാക്കണമെന്ന്
കാലാവസ്ഥാവകുപ്പ് നിർദ്ദേശിക്കുന്നു
കോഴിക്കോട്: മെയ് ഒന്ന്, രണ്ട് തിയ്യതികളിൽ കോഴിക്കോട്, വയനാട്, തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി ജില്ലകളിൽ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥാ വിഭാഗം മുന്നറിയിപ്പ് നൽകുന്നു.അതേസമയം, സംസ്ഥാനത്ത് മെയ് പകുതി വരെ ശക്തമായ ചൂട് തുടരാൻ സാധ്യതയുണ്ടെന്നും കേന്ദ്ര കാലാവസ്ഥ വിഭാഗം മുന്നറിയിപ്പ് നൽകുന്നു.
കേന്ദ്ര കാലാവസ്ഥ വകുപ്പ് ഉഷ്ണതരംഗം പ്രഖ്യാപിച്ച പാലക്കാട്ട് താപനില 42 ഡിഗ്രി സെൽഷ്യസ് വരെ ഉയർന്നേക്കാം. ശനിയാഴ്‌ച ഇവിടെ രേഖപ്പെടുത്തിയത് 41.8 ഡിഗ്രിയാണ്.ഉഷ്ണതരംഗം അതീവ ജാഗ്രത വേണ്ട സാഹചര്യമാണ്.
പൊതുജനങ്ങൾ ജാഗ്രത പാലിക്കണമെന്ന് കാലാവസ്ഥാ വകുപ്പ്
നിർദ്ദേശം നൽകി.കൂടാതെ പകൽ സമയത്ത് പുറത്തിറങ്ങുന്നത് പരമാവധി
ഒഴിവാക്കാനും .ശരീരത്തിൽ നേരിട്ട് വെയിലേൽക്കുന്ന എല്ലാത്തരം പുറം
ജോലികളും, വിനോദങ്ങളും, പൂർണ്ണമായും നിർത്തണമെന്നും കാലാവസ്ഥാവകുപ്പ്
നിർദ്ദേശിക്കുന്നു.
