ശബരിമല; രണ്ടാം ബാച്ച് പോലീസ് ഉദ്യോഗസ്ഥർ ചുമതലയേറ്റു

• ശബരിമല ശ്രീധർമ്മശാസ്താ ഓഡിറ്റോറിയത്തിൽ സ്പെഷ്യൽ ഓഫീസർ എസ്പി കെ.ഇ. ബൈജു പുതുതായി ചുമതലയേൽക്കുന്ന ഉദ്യോഗസ്ഥർക്ക് ആവശ്യമായ നിർദേശങ്ങൾ നൽകി

ശബരിമല :സന്നിധാനത്തെ തിരക്ക് നിയന്ത്രിക്കുക, രഹസ്യ അന്വേഷണം, ബോംബ് സ്കോഡ് തുടങ്ങിയ ചുമതകൾക്കായി രണ്ടാം ബാച്ച് പോലീസ് ഉദ്യോഗസ്ഥർ ചുമതലയേറ്റു. ശബരിമല ശ്രീധർമ്മശാസ്താ ഓഡിറ്റോറിയത്തിൽ സ്പെഷ്യൽ ഓഫീസർ എസ്പി കെ.ഇ. ബൈജു പുതുതായി ചുമതലയേൽക്കുന്ന ഉദ്യോഗസ്ഥർക്ക് ആവശ്യമായ നിർദേശങ്ങൾ നൽകി.

ഡിസംബർ 6 വരെ 12 ദിവസമാണ് ബാച്ചിന് ഡ്യൂട്ടിയുള്ളത്. എട്ട് ഡി വൈ എസ് പി മാരുടെ കീഴിൽ 8 ഡിവിഷനുകളിൽ 27 സി ഐ,90 എസ് ഐ /എ എസ് ഐ, 1250 എസ് സി പി ഓ / സിപിഒ മാരാണ് സന്നിധാനത്ത് ഭക്തരുടെ തിരക്ക് നിയന്ത്രണത്തിനായി വിന്യസിച്ചിട്ടുള്ളത്. ഡ്യൂട്ടി മൂന്ന് ഷിഫ്റ്റ് ആയി തിരിച്ചാണ് ക്രമീകരിച്ചിട്ടുള്ളത്. ഒരു ഡി വൈ എസ് പി, രണ്ട് സി ഐ, 12 എസ് ഐ /എ എസ് ഐ,155 എസ് സി പി ഓ /സി പി ഒ എന്നിവരടങ്ങുന്ന ഇൻ്റലിജൻസ് /ബോംബ് സ്ക്വാഡ് ടീമും ചുമതയേറ്റു. പത്തനംതിട്ട എസ് പി വി. ജി വിനോദ് കുമാർ, ഡി വൈ എസ് പി മാർ മറ്റു പോലീസ് ഉദ്യോഗസ്ഥർ തുടങ്ങിയവർ പങ്കെടുത്തു.