സംസ്ഥാനത്ത് സ്വർണവില വീണ്ടും കുറഞ്ഞു

• ഇന്ന് ഗ്രാമിന് 50 രൂപയുടെ കുറവാണ് ഉണ്ടായത്

കൊച്ചി: സംസ്ഥാനത്ത് സ്വർണവില വീണ്ടും കുറഞ്ഞു. ഇന്ന് ഗ്രാമിന് 50 രൂപയുടെ കുറവാണ് ഉണ്ടായത്. 8805 രൂപയായാണ് വില കുറഞ്ഞത്. പവൻ്റെ വിലയിൽ 400 രൂപയുടെ കുറവുണ്ടായി. 70,440 രൂപയായാണ് പവൻ്റെ വിലയിലുണ്ടായ ഇടിവ്.

അതേസമയം, അന്താരാഷ്ട്ര വിപണിയിൽ സ്വർണവില ഉയർന്നു. കഴിഞ്ഞ ദിവസത്തെ നഷ്ടം നികത്തിയാണ് സ്വർണവിലയിൽ വർധനയുണ്ടായത്. സ്പോട്ട് ഗോൾഡിന്റെ വില 0.4 ശതമാനം ഉയർന്ന് 3,246.95 ഡോളറായി. തിങ്കളാഴ്ച 3,207.30 ഡോളറായിരുന്നു ഒരു ഔൺസ് സ്വർണത്തിൻ്റെ വില. യു.എസിൽ ഗോൾഡ് ഫ്യൂച്ചർ നിരക്കുകൾ 0.6 ശതമാനം ഉയർന്ന് 3,237.8 ഡോളറായി.