സപ്ലൈകോയിൽ റെക്കോർഡ് വിൽപ്പന ഓണസമ്മാനമായി വെള്ളിച്ചെണ്ണയ്ക്ക് ഓഫർ

• സപ്ലൈകോയുടെ ചരിത്രത്തിലെ തന്നെ ഏറ്റവും ഉയർന്ന വിറ്റുവരവാണിത്

തിരുവനന്തപുരം:സപ്ലൈകോയിൽ റെക്കോർഡ് വിൽപന. ഓണക്കാലത്ത് വിൽപന 319 കോടി രൂപ കടന്നു. ഇന്നലെ മാത്രം 21 കോടിയുടെ വിൽപന നടന്നു. സപ്ലൈകോയുടെ ചരിത്രത്തിലെ തന്നെ ഏറ്റവും ഉയർന്ന വിറ്റുവരവാണിത്.

300 കോടിയുടെ വിൽപനയായിരുന്നു ഈ ഓണക്കാലത്ത് സപ്ലൈകോ പ്രതീക്ഷിച്ചിരുന്നത്. അതിനിടെ ഓണ സമ്മാനമായി വെളിച്ചെണ്ണയ്ക്ക് സപ്ലൈകോ ഓഫർ പ്രഖ്യാപിച്ചു. നോൺ സബ്‌സിഡി സാധനങ്ങൾ വാങ്ങുന്നവർക്കാണ് ഓഫർ ലഭിക്കുക. 1500 രൂപയ്ക്ക് മുകളിൽ സാധനങ്ങൾ വാങ്ങിയാൽ 50 രൂപയാണ് വെളിച്ചെണ്ണയ്ക്ക് കിഴിവായി ലഭിക്കുകയെന്ന് ഭക്ഷ്യമന്ത്രി ജി.ആർ.അനിൽ പറഞ്ഞു.