സ്കൂൾ വിദ്യാർഥിനികളോട് ലൈംഗികാതിക്രമം നടത്തിയ അധ്യാപകൻ പിടിയിൽ

• കുന്ദമംഗലം ഹയർസെക്കൻഡറി സ്കൂളിലെ അധ്യാപകൻ ഓമശ്ശേരി മങ്ങാട് സ്വദേശി കായക്കൊട്ടുമ്മൽ ശ്രീനിജിൻ ആണ് പിടിയിലായത്

കോഴിക്കോട്:സ്കൂ‌ൾ വിദ്യാർഥിനികളോട് ലൈംഗികാതിക്രമം നടത്തിയ അധ്യാപകൻ പിടിയിൽ . കുന്ദമംഗലം ഹയർസെക്കൻഡറി സ്കൂളിലെ അധ്യാപകൻ ഓമശ്ശേരി മങ്ങാട് സ്വദേശി കായക്കൊട്ടുമ്മൽ ശ്രീനിജിൻ (45) ആണ് പിടിയിലായത്. പ്രതി വിദ്യാർഥിനികളോട് അടുത്തിടപഴകിയ ശേഷം ലൈംഗികാതിക്രമം നടത്തുകയായിരുന്നുവെന്നാണ് ലഭിക്കുന്ന വിവരം.

അതേസമയം, ഇയാൾക്കെതിരെ താമരശ്ശേരി, കുന്ദമംഗലം സ്റ്റേഷനുകളിലായി സ്കൂൾ വിദ്യാർഥിയെ മർദിച്ചതിനും, അധ്യാപികമാരെ തെറി വിളിച്ചതിനും കൊല്ലുമെന്ന് ഭീഷണിപ്പെടുത്തിയതിനും പൊതുജനങ്ങളെ ശല്യം ചെയ്ത‌തിനുമായി ആറോളം കേസുകളുണ്ടെന്ന് പോലീസ് പറഞ്ഞു. കുന്ദമംഗലം ഇൻസ്പെക്‌ടർ കിരണിന്റെ നിർദേശ പ്രകാരം എസ്.ഐ യുടെ നേതൃത്വത്തിലുള്ള സംഘമാണ് പ്രതിയെ പിടികൂടിയത് .പ്രതിയെ കോടതിയിൽ ഹാജരാക്കിയ ശേഷം റിമാൻഡ് ചെയ്തു.