സൽമാൻ ഖാന് നേരെ വധഭീഷണി; ഒരാൾ പിടിയിൽ

• ഇന്നലെ മുംബൈ പോലീസിന് ലഭിച്ച സന്ദേശത്തിൽ പറയുന്നത് 2 കോടി നൽകാത്ത പക്ഷം താരത്തെ കൊലപ്പെടുത്തുമെന്നായിരുന്നു

മുബൈ: സൽമാൻ ഖാന് നേരെ വധഭീഷണി സന്ദേശമയച്ച ഒരാൾ പിടിയിൽ. മുംബൈ
ട്രാഫിക് പോലീസിന് ഭീഷണി സന്ദേശമയച്ച ആളെയാണ് അറസ്റ്റ് ചെയ്തത്. നൽകിയിരിക്കുന്ന നിർദേശം സിനിമാ ചിത്രീകരണത്തിനാണെങ്കിൽ പോലും മുംബൈ വിട്ട് പോകാൻ പാടില്ലെന്നാണ്.

ഇന്നലെ മുംബൈ പോലീസിന് ലഭിച്ച സന്ദേശത്തിൽ പറയുന്നത് 2 കോടി നൽകാത്ത പക്ഷം താരത്തെ കൊലപ്പെടുത്തുമെന്നായിരുന്നു. ഇതിന്റെ അടിസ്ഥാനത്തിൽ കേസെടുത്ത് മൊബൈൽ കേന്ദ്രീകരിച്ച് അന്വേഷണം തുടങ്ങിയ പോലീസ് ബാന്ദ്ര സ്വദേശിയായ 56 കാരൻ അസം മുഹമ്മദ് മുസ്തഫയെ പിടികൂടി. മറ്റാരെങ്കിലും ഇയാളുടെ ഫോണുപയോഗിച്ച് സന്ദേശം അയച്ചതാണോയെന്ന് പോലീസ് ഇതുവരെ വെളിപ്പെടുത്തിയിട്ടില്ല.