ഹോട്ടലിന് നേരെ കല്ലേറ്; യുവതിയ്ക്കും കുഞ്ഞിനും പരിക്ക്

• കുന്നമംഗലം പോലീസ് സ്ഥലത്തെത്തി അന്വേഷണം തുടങ്ങി

കോഴിക്കോട്:കുന്നമംഗലത്ത് ഹോട്ടലിന് നേരെയുണ്ടായ കല്ലേറിൽ യുവതിയ്ക്കും കുഞ്ഞിനും പരിക്കേറ്റു. ഇന്നലെ രാത്രി പത്തോടെ കാരന്തൂർ മർക്കസ് കോളജിന് അടുത്തായി പ്രവർത്തിക്കുന്ന സ്‌പൂൺ മി എന്ന സ്ഥാപനത്തിന് നേരെയാണ് അക്രമണമുണ്ടായത്.

ആക്രമണത്തിൽ പരിക്കേറ്റത് ഭക്ഷണം കഴിച്ചുകൊണ്ടിരുന്നവർക്കാണ്. ഭക്ഷണം കഴിച്ചു കൊണ്ടിരിക്കുകയായിരുന്ന സ്ത്രീയ്ക്കും കുട്ടിയ്ക്കും പരിക്കേറ്റത് ചില്ല് തെറിച്ചാണ്. ഇരുവരുടെയും പരിക്ക് ഗുരുതരമല്ല. നൂറ് രൂപയ്ക്ക് മന്തി വേണമെന്നാവശ്യപ്പെട്ട് ഏതാനും പേർ എത്തിയിരുന്നതായി ഹോട്ടൽ അധികൃതർ പറഞ്ഞു. ഇതിന് ശേഷമാണ് രണ്ടംഗ സംഘം വന്ന് ഹോട്ടലിന് നേരെ കല്ലെറിഞ്ഞത്. കുന്നമംഗലം പോലീസ് സ്ഥലത്തെത്തി അന്വേഷണം തുടങ്ങിയിട്ടുണ്ട് .