1.780 കിലോ കഞ്ചാവുമായി തിരുവമ്പാടിയിൽ രണ്ടു യുവാക്കൾ അറസ്റ്റിൽ

• പ്രതികളെ താമരശ്ശേരി ജുഡീഷ്യൽ മജിസ്ട്രേറ്റ് കോടതി റിമാൻഡ് ചെയ്തു

തിരുവമ്പാടി:1.780 കിലോ കഞ്ചാവുമായി തിരുവമ്പാടിയിൽ രണ്ടു യുവാക്കൾ പിടിയിൽ . കൂടരഞ്ഞി ഇളംതുരുത്തിൽ അഭീഷ് (38), കാരശ്ശേരി കറുത്ത പറമ്പ് തരുപ്പാല പറമ്പിൽ ജലീഷ് ബാബു (41) എന്നിവരെയാണ് തിരുവമ്പാടി പൊലീസ് അറസ്റ്റ് ചെയ്തത് .

താഴെ തിരുവമ്പാടി ഗേറ്റുംപടി മുക്കം റോഡിൽ ചാലിൽ തൊടി അംഗൻവാടിക്ക് സമീപത്തുനിന്നാണ് പ്രതികളെ അറസ്റ്റ് ചെയ്തത് . ഒരു പ്രതിയെ പിടികൂടാനുണ്ടെന്ന് പൊലീസ് പറഞ്ഞു. രഹസ്യവിവരത്തെ തുടർന്ന് നടത്തിയ പൊലീസ് പരിശോധനയിലാണ് പ്രതികളെ പിടികൂടിയത്. പ്രതികളെ താമരശ്ശേരി ജുഡീഷ്യൽ മജിസ്ട്രേറ്റ് കോടതി റിമാൻഡ് ചെയ്തു.