100 രൂപ ട്രാവൽകാർഡുമായി കെ.എസ്.ആർ.ടി.സി വീണ്ടുമെത്തുന്നു

• തിരുവനന്തപുരം, കൊല്ലം ജില്ലകളിലാണ് ആദ്യം നടപ്പാക്കുക

തിരുവനന്തപുരം:സംസ്ഥാനത്തെ കെ.എസ്.ആർ.ടി.സി ബസുകളിൽ ട്രാവൽകാർഡ് വീണ്ടും വരുന്നു. എല്ലാത്തരം ഓൺലൈൻ ഇടപാടുകളും സാദ്ധ്യമായ ടിക്കറ്റ് മെഷീനുകൾ ഇതിനായി ഏർപ്പെടുത്തികഴിഞ്ഞു. തിരുവനന്തപുരം, കൊല്ലം ജില്ലകളിലാണ് ആദ്യം നടപ്പാക്കുക. 100 രൂപയാണ് കാർഡിൻ്റെ വില. ഡിപ്പോകളിൽനിന്നും കണ്ടക്ടർമാരിൽനിന്നും വാങ്ങാം. 50 രൂപമുതൽ 2000 രൂപവരെ ചാർജ്ജ് ചെയ്ത് ഉപയോഗിക്കാം. ഉടമതന്നെ ഉപയോഗിക്കണമെന്നില്ല. കൈമാറി ഉപയോഗിക്കാം. യാത്രക്കാർക്ക് ഇതുകൊണ്ടുള്ല സാമ്പത്തികമെച്ചം എന്താണെന്ന് പ്രഖ്യാപിച്ചിട്ടില്ല.

സാങ്കേതിക തകരാർ കാരണം കാർഡ് പ്രവർത്തനക്ഷമമല്ലെങ്കിൽ അപേക്ഷ നൽകിയാൽ രണ്ടുദിവസത്തിനുളിൽ പുതിയ കാർഡ് ലഭിക്കും. പൊട്ടുകയോ ഒടിയുകയോ ചെയ്താൽ മാറ്റി നൽകില്ല. ഒരു കാർഡ് വിറ്റാൽ 10 രൂപ കണ്ടക്ടർക്ക് കമ്മിഷൻ ലഭിക്കും. ബസിനുള്ളിൽ കാർഡ് റീ ചാർജ്ജ് ചെയ്യാം.
പുതിയ ടിക്കറ്റ് മെഷീനുകൾ ആറു ജില്ലകളിൽ വിതരണം ചെയ്തിട്ടുണ്ട്.